Joan Laporta ka shumë fronte të hapura për ta përfunduar sezonin e tij të parë të plotë si president i Barçës, në mandatin e dytë. Dhimbja kryesore e kokës për të është skuadra e futbollit për meshkuj, e cila e ka mbyllur sezonin në mënyrë dekurajuese.

Kërkohen përforcime që për momentin nuk mund të bëhen, sepse nuk kuptohet plotësisht me Javier Tebas, presidentin e La Liga-s dhe nuk ka “fair play financiar”.

Ai foli për “L’Esportiun” mbi rinovimet dhe zgjidhjet e mundshme të situatës së keqe ekonomike.

Laporta e konfirmon disi largimin e Dembeles Laporta e konfirmon disi largimin e Dembeles

Le të flasim për emrat, Dembele. Si është çështja tani?

“Ai ka propozimin tonë dhe një datë për të vendosur, sepse nuk ka më kohë. Ne kemi qenë duke u përgatitur për sezonin e ardhshëm për një kohë të gjatë. Dembele është një çështje me të cilën jemi mbërthyer, sepse agjenti nuk po i përgjigjet ofertës. Duket se po bëjnë një kundërpropozim. Ka një prioritet tani, që është kthimi i financave të klubit në rrugën e duhur. Jemi duke pritur për këtë edhe La Liga, sepse kriteret e tanishme janë shumë kufizuese”.

Cila është e ardhmja e Dani Alves?

“Këto janë vendime teknike që do t’i marrin sekretari teknik dhe trajneri. Jemi të kënaqur me performancën, atmosferën që ka krijuar dhe si i ka ndihmuar të rinjtë. Jemi mirënjohës për atë që ka dhënë për klubin dhe tani ka rrethana sportive që duhet të vlerësohen nga lojtari, trajneri dhe sekretari teknik. Synimi i Dani është të luajë në Botëror. Nëse nuk ka minuta me parashikimin që po bëjmë për sezonin e ardhshëm, prezenca e tij mund të dëmtohet. Duhet të vlerësohet nga teknikët”.

Lojtarët që duan të qëndrojnë te Barcelona Lojtarët që duan të qëndrojnë te Barcelona

Duke folur për Alves, ai ka një mik, Neymar, dhe Xavi tha një ditë më parë se i pëlqen. A ju pëlqen Neymar?

“Kush nuk e do Neymarin? Ai është një lojtar i jashtëzakonshëm”.

PSG tani mund ta hapë derën për të…

“Ai ka një kontratë me PSG, i kanë mbetur edhe katër apo pesë vite. Këta lojtarë që kanë nënshkruar për klube si PSG, pothuajse kanë nënshkruar skllavërinë e tyre. E kanë bërë për para”.

Neymar vihet në shitje nga PSG Neymar vihet në shitje nga PSG

Edhe Messi?

“Messi ka shkuar ashtu siç ka shkuar. Të gjithë do të kishim dashur që ai ta përfundonte jetën e tij sportive, por për çfarëdo arsyeje nuk ka mundur ta bëjë. Këta lojtarë, kur hyjnë në një dinamikë të tillë, zbulojnë se nuk mund të largohen, sepse operacionet kapin shumë miliona euro. Të fokusohemi në rastin e Neymar. Nuk e di si do ta bëjnë në Francë, sepse ndoshta kanë sisteme të tjera, që ne nuk i kemi këtu, por anulimi i një kontrate të firmosur paraprakisht kushton shumë para. Është gjithashtu e vërtetë që PSG ka një shtet pas vetes, ka shumë para dhe ndoshta mund të bëjë një paradhënie për ta ndërprerë një kontratë të tillë”.

Jorge Messi shpreson që djali i tij të kthehet te Barcelona një ditë Jorge Messi shpreson që djali i tij të kthehet te Barcelona një ditë

A duhet të lirohet Neymar?

“Të gjithë këta lojtarë që do të kthehen te Barça një ditë duhet të jenë të lirë. Ne nuk jemi në gjendje të paguajmë shuma për transferimin e këtyre lojtarëve. Por edhe sikur të kishim mundësi, nuk do ta bënim. Do të ishte irracionale. Nëse janë lojtarë të lirë dhe në merkato, atëherë janë të një cilësie të jashtëzakonshme dhe ne i kemi shijuar tashmë te Barça. Pastaj do të ishte një çështje e trajnerit të mendonte nëse ata mund të përshtaten apo jo në projektin e ri të Barçës. Si lojtarë, më pëlqejnë shumë që të dy”.

Po për Lewandowskin a mund të bëhet një investim?

“Lewandowski ka edhe një vit kontratë me Bayernin dhe kjo është situata. Kaq, nuk mund të them asgjë tjetër”.

Agjenti Zahavi thotë se Lewandowski po transferohet te klubi që gjithmonë ka ëndërruar Agjenti Zahavi thotë se Lewandowski po transferohet te klubi që gjithmonë ka ëndërruar

Por, ai ka ndërmarrë disa hapa, duke thënë se kishte luajtur tashmë ndeshjen e tij të fundit me Bayernin…

“Lërini të gjithë të punojnë. Duhet të respektojmë faktin se ai ka edhe një vit kontratë me Bayernin. Ai është një lojtar shumë i mirë, gjë që na pëlqen shumë, por ka kontratë”.

Bayern Munich i cakton çmimin Robert Lewandowskit, nuk negocion nën atë vlerë Bayern Munich i cakton çmimin Robert Lewandowskit, nuk negocion nën atë vlerë

Një nga lëvizjet e para në këtë afat është ajo e Mbappes. Si e vlerësoni rinovimin për PSG-në?

“Kjo deformon tregun. Lojtarët përfundojnë duke u rrëmbyer për para. Këto janë efektet e një klubi që ka një shtet pas tij. Kjo bie ndesh me të gjitha parimet e Bashkimit Evropian. Është një reflektim mbi qëndrueshmërinë e futbollit në Evropë. Pastaj është leximi që mund të bëhet nga Barça. Ka një rival direkt që nuk del më i fortë dhe ne preferojmë që të mos na tallin kur vjen puna për të konkurruar. Unë po reflektoj mbi qëndrueshmërinë e futbollit, sepse mendoj se nuk duhet të shqetësohemi aq shumë për asnjë rival. Ne duhet të shqetësohemi për të pasur një ekip konkurrues, gjë që po përpiqemi ta bëjmë. Rezulton se kur ishim më të shqetësuar për veten sesa për rivalët tanë, gjërat shkuan mirë”.

Mbappe 'zbrazë' llogarinë bankare për t'ia kthyer paratë Real Madridit - zbulohet marrëveshja e fshehtë mes të dyja palëve Mbappe 'zbrazë' llogarinë bankare për t'ia kthyer paratë Real Madridit - zbulohet marrëveshja e fshehtë mes të dyja palëve

Sa të bezdisshëm janë Real Madridi dhe PSG?

“Duhet të shqetësohemi për Barçën. Çfarë bëjnë të tjerët është problemi i tyre. Ne duhet të sigurohemi që të mos ketë paligjshmëri dhe afati të shtrembërohet nga klubet shtetërore. Është shumë e qartë se cilat janë këto klube: PSG dhe Manchester City. Kjo e bën më të vështirë drejtimin e një klubi si i yni që është në pronësi të anëtarëve”. /Telegrafi/