Kush është Zalgiris, kundërshtari i Ballkanit në Ligën e Kampionëve

Është hedhur shorti i raundit të parë kualifikues të Ligës së Kampionëve në Shtëpinë e Futbollit Evropian në Nyon, Zvicër.

Ballkani ka mësuar kundërshtari me të cilin do të përballet në raundin e parë eliminator të Ligës së Kampionëve.

Kampioni ynë do të takohet me kampionin e Lituanisë, Zalgiris.

Një short shumë i favorshëm për Ballkanin pasi që mund t’i binin përballë klube si Malmo (Suedi), Bodo/Glmit (Norvegji), HJK Helsinki (Finlandë) dhe The New Saints (Uells).

Por kush është Zalgiris dhe sa vlen skuadra e klubit të njohur nga Lituania?

Zalgiris është një nga klubet më të mëdha në Lituani, pasi ka fituar titullin e  kampionit nëntë herë. Ata janë 13 herë fitues të Kupës së Lituanisë dhe shtatë herë fitues të Superkupës.

Skuadra aktuale vlen më shumë se sa ajo e Ballkanit në transfermarkt. Zalgiris Vilnius ka vlerë rreth 7 milionë euro, apo thënë saktë 6.93 milionë euro.

Lojtari më i shtrenjtë është Francis Kyeremeh, një mesfushor krahu ku vlera e tij është 775 mijë euro. Klubi bazën kryesore e ka me lojtarë të huajë që vijnë nga shtet të ndryshme.

Aty është edhe një lojtar i njohur për Superligën e Kosovës, malazezi Marko Milickovic, i cili ka mbrojtur ngjyrat e Feronikelit.

Përparësi e lituanëve është se kampionati atje ka filluar, ku janë zhvilluar 14 ndeshje deri më tani, ndërsa mbajnë vendin e dytë me 29 pikë, ku marr tetë fitore, pesë barazime dhe ka vetëm një humbje.

Ballkani do të jetë vendas në ndeshjen e parë. Duelet e para të këtij raundi kualifikues do të luhen më 5/6 korrik, kurse ato të kthimit pas një jave./Telegrafi/