Shefi i grupit parlamentar të Partisë Demokratike të Kosovës, Abelard Tahiri ka thënë se kryeministri i vendit Albin Kurti nuk mund ta pastrojë “turpin” ndaj veteranëve me vizitat e tij nëpër varrezat e dëshmorëve.
“Turpin ndaj veteranëve, Albin Kurti nuk mund ta lajë me vizita nëpër varrezat e dëshmorëve. Liria si ndërgjegje ka qenë pjesë e pandashme e karakterit të popullit tonë përgjatë historisë, ndërsa sot para 23 vitesh, ajo e ka marrë edhe trajtën e realitetit konkret, falë luftës së Ushtrisë Çlirimtare të Kosovës dhe aleatëve tanë”, shkroi Tahiri në rrjetin social Facebook.
Tahiri tutje shkroi se qeverisja e udhëhequr nga Albin Kurti është duke u përpjekur ta shkëpus kujtimin e sakrificës së UÇK-së, duke mos i përfshirë veteranët në ligjin e ri që cakton pagën minimale.
“Fatkeqësisht, Albin Kurti dhe qeveria e udhëhequr prej tij, me vetëdije të plotë është duke u përpjekur të shkëpusë kujtimin dhe nderimin e kësaj sakrifice. Ai, ka kohë që e ka shpërfillur lavdinë dhe sakrificën e luftës së Ushtrisë Çlirimtare të Kosovës, ndërsa tash që është në pushtet, këtë shpërfillje është duke e manifestuar edhe zyrtarisht. Me vendimin për të mos e përfshirë kontributin e veteranëve të UÇK-së në ligjin e ri që përcakton pagën minimale, ai është duke u përpjekur të lëkundë themelet e dinjitetit të këtyre burrave e grave që kanë lënë gjymtyrët nëpër çdo cep të Kosovës, atëkohë kur asaj ia kishin falur edhe jetën, edhe të ardhmen”, deklaroi ai.
Postimi i plotë:
Liria si ndërgjegje ka qenë pjesë e pandashme e karakterit të popullit tonë përgjatë historisë, ndërsa sot para 23 vitesh, ajo e ka marrë edhe trajtën e realitetit konkret, falë luftës së Ushtrisë Çlirimtare të Kosovës dhe aleatëve tanë.
Çlirimi ka ndodhur me 12 qershor, 1999, por sakrifica pararendëse për këtë datë të madhe të Kosovës është shekullore dhe shumëdimensionale. E kemi parë në aktet e mosnënshtrimit përgjatë viteve të 80-ta e 90-ta, ndërsa peshën e saj e kemi ndjerë shpirtërisht me flijimin e Komandantit Legjendar Adem Jashari me familjen e tij, ngjashëm siç edhe e kemi përjetuar fizikisht nga sakrifica e mijëra dëshmorëve e martirëve, burrave dhe grave të rënë për liri, si dhe mijëra viktimave civile e mijëra të zhdukurve dhunshëm gjatë luftës në vitet 1998-1999.
Përgjatë këtyre 23 viteve në liri, dimensioni politik i saj është përmbushur me shtetin tonë sovran, por domethënia e saj vazhdon të mos jetë e plotë, pa protagonistët që i kontribuan kësaj date, Hashim Thaçi, Kadri Veseli, Jakup Krasniqi, Rexhep Selimi e bashkëluftëtarë të tjerë, që padrejtësisht edhe sot janë duke u përballur me kapitullin e fundit të çlirimit.
23 vite në liri, nuk janë të mjaftueshme për të zënë hapin që na është mohuar padrejtësisht përgjatë historisë, por janë të mjaftueshme për të projektuar të ardhmen me të. Dhe të ardhme në liri, pa kujtuar e nderuar sakrificën e të gjithë burrave e grave të UÇK-së, nuk mund të ketë.
Fatkeqësisht, Albin Kurti dhe qeveria e udhëhequr prej tij, me vetëdije të plotë është duke u përpjekur të shkëpusë kujtimin dhe nderimin e kësaj sakrifice. Ai, ka kohë që e ka shpërfillur lavdinë dhe sakrificën e luftës së Ushtrisë Çlirimtare të Kosovës, ndërsa tash që është në pushtet, këtë shpërfillje është duke e manifestuar edhe zyrtarisht.
Me vendimin për të mos e përfshirë kontributin e veteranëve të UÇK-së në ligjin e ri që përcakton pagën minimale, ai është duke u përpjekur të lëkundë themelet e dinjitetit të këtyre burrave e grave që kanë lënë gjymtyrët nëpër çdo cep të Kosovës, atëkohë kur asaj ia kishin falur edhe jetën, edhe të ardhmen.
Me këtë veprim, Albin Kurti jo vetëm që është duke bërë padrejtësi ndaj më meritorëve për liri, por edhe duke u përpjekur të tjetërsojë të vërtetën historike mbi të cilën qëndron themeli i lirisë dhe pavarësisë sonë. Sepse ishin pikërisht ata, të cilëve ai po ua mohon një të drejtë legjitime e krejt të arsyeshme, të cilët për lirinë e Kosovës dhe të ardhmen e saj, gjatë viteve 1998-1999 e kanë vendosur jetën në fije peri për çdo ditë. Sepse këta veteranë, nuk janë të atij rangu për t’u trajtuar si barrë për këtë shoqëri, por si patriotë që meritojnë respektin e plotë të secilit prej nesh dhe veçmas qeverisë, respekt të cilin qeveria dhe ky kryeministër nuk mund ta blejë, por gabon rëndë nëse mendon se mund ta injorojë.
Kjo sjellje e papërgjegjshme karshi veteranëve, është jo veç absurde, por edhe e pafalshme. Deficitet patriotike të Albin Kurtit, nuk mund të shërbejnë për larje hesapesh me ata që i kanë dalë zot vendit kur është dashtë më së shumti.
Prandaj kjo sjellje prej lavjerrësi e Kryeministrit Kurti, i cili sot paturpësisht viziton varrezat e dëshmorëve, përderisa injoron mijëra veteranë që kanë derdhur gjak e djersë pranë atyre që u përjetësuan, është asgjë më shumë se një dyfytyrësi.
Turpin ndaj veteranëve, Albin Kurti nuk mund ta lajë me vizita nëpër varrezat e dëshmorëve.
Të gjithë familjeve që kanë sakrifikuar për liri, të gjithë veteranëve e invalidëve të UÇK-së, që janë meritorë të njëmend për këtë ditë, Urime Dita e Çlirimit! /Telegrafi/
Lufta Prigozhin - Putin
Më shumëNga Rubrika
Kredia hungareze, Mickoski: Kushtet që nesër do t’i dakordojmë me bankat nuk varen vetëm nga unë
Hoxhaj: Anëtarësimi i Kosovës në Frankofoni, një sukses i shkuar, por i paavancuar dhe i dështuar nga qeveria aktuale
Arrestimi i të dyshuarit për sulm ndaj KFOR-it, Elshani: Nuk do të ndalemi
Vëllau i Liridona Ademajt: Fëmijët janë të brengosur nga fakti që e panë se si babai i tyre e shtrëngoi për krahu nënën e tyre që të kryhet më lehtë vrasja
Ekspertët e çështjeve të drejtësisë: Zhbërja e Speciales mision i pamundur
Abazoviq: Në katër vitet e fundit në Ballkan nuk janë kryer punë, me Trump do të ndryshojë situata
Policia e Kosovës pajiset me automjete të reja, për mbështetje të Njësive speciale-policore gjatë operacioneve dhe aksioneve të veçanta
Stomatologu Hoxha ishte shpallur studenti më i mirë nga gIDE, ky institut ofron 25 licenca për Klinikën Stomatologjike për qasje falas në platformën e tyre të videos
Policia kërkon bashkëpunimin e qytetarëve për identifikimin e tre personave për shpërdorim të pasurisë
104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
25% zbritje në çizmet Adidas Terrex? Zgjate dorën!
Hej djem! Super xhaketa e Adidas tani vjen me zbritje ekskluzive vetëm për ju
Atletet e famshme Reebook vijnë me zbritje t’hatashme
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
A don me u dok si zotni këtë sezon të dasmave?
Më të lexuarat
Platforma ku mund ta shikoni duelin e vitit Jake Paul - Mike Tyson
Cristiano Ronaldo po largohet nga Al Nassr shkaku i garës së FIFA-s
Publikohet lista e plotë me rregullat kontroverse për luftën Mike Tyson - Jake Paul
Trump dëshiron ta mbyllë Departamentin e Arsimit - çfarë do të thotë kjo për edukimin shkollor
Ledri Vula e pranon se ka fjetur me një fanse
John Thune zgjidhet kryetar i Senatit Amerikan - kandidati që donin shqiptaro-amerikanët