Ata nuk duan të bëhen “mish për top”: Rrëfimet e ushtarëve të Putinit që duan të largohen nga lufta në Ukrainë – disa edhe duke lënduar veten

Ushtarët rusë që luftojnë në Ukrainë ndihen të “shfrytëzuar” dhe disa kanë menduar edhe të plagosin veten në mënyrë që të largohen nga konflikti, sipas thirrjeve dhe mesazheve që Ukraina tha se kishte përgjuar nga trupat dhe komandantët rusë.

Në telefonatat, të cilat janë përkthyer dhe postuar në faqen e internetit të Shërbimit të Sigurisë së Ukrainës (SSU), ushtarët rusë dyshohet se e kanë quajtur veten “mish për top” dhe e kanë krahasuar situatën në Ukrainë me “ferrin”, shkruan Newsweek, përcjell Telegrafi.

Sipas mediumit në fjalë, pakënaqësia e supozuar mes ushtarëve rusë, siç tregohet në thirrjet e përgjuara, vjen mes shqetësimeve të turbullta se presidenti rus Vladimir Putin mund t’i shpallë zyrtarisht luftë Ukrainës, edhe pse zyrtarët rusë i kanë mohuar këto zëra që nga fillimi i agresionit në fund të shkurtit.

Lexo po ashtu Forcat ukrainase publikojnë "pamjet e shkatërrimit të tankeve, pajisjeve ushtarake dhe artilerisë ruse"

Ndërkohë një zyrtar i Departamentit të Mbrojtjes së SHBA-së tha të hënën se morali midis trupave ruse ka rënë shumë, ndërsa Ukraina dhe NATO kanë vlerësuar se humbjet ushtarake ruse kanë qenë të rënda, duke theksuar rrethanat që mund të çojnë “në humor të ulët” mes ushtarëve në Ukrainë.

Dhe këto pretendime vijnë në kohën kur edhe Ministria e Mbrotjes e Britanisë së Madhe (MoD) ka vlerësuar se agresioni në Ukrainë po i kushton shumë Rusisë, pasi forcat ukrainase i kanë shkaktuar dëme të konsiderueshme forcave ushtarake ruse dhe pajisjeve të tyre.

Kështu, Ministria e Mbrojtjes tha se “do të duhet kohë dhe shpenzime të konsiderueshme që Rusia të rindërtojë forcat e saj të armatosura pas këtij konflikti”.

Latest Defence Intelligence update on the situation in Ukraine – 07 May 2022

Find out more about the UK government's response: https://t.co/cAYdsWHMvV

🇺🇦 #StandWithUkraine 🇺🇦 pic.twitter.com/4z2cRVCJpf

— Ministry of Defence 🇬🇧 (@DefenceHQ) May 7, 2022

“Do të jetë veçanërisht sfiduese për të zëvendësuar pajisjet e modernizuara dhe të avancuara për shkak të sanksioneve”, është thënë në një raport të MoD të Britanisë së Madhe, përcjell Telegrafi.

Lexo po ashtu Forcat ruse do të “shemben” brenda pak javësh, parashikon eksperti ushtarak britanik

Përveç MoD, rreth kostos së rëndë të Rusisë në Ukrainë, përkatësisht dëmit të rëndë që ekonomia ruse do të pësojë, është deklaruar edhe Sean Spoonts, kryeredaktor i SOFREP, një medium i fokusuar në lajmet ushtarake.

Në këtë drejtim, ai ka vlerësuar se kur agresioni i Rusisë ka hyrë tani në muajin e tretë, për të mbështetur ofensivën ushtarake duhen rreth 850 milionë euro në ditë.

Dhe në këtë kosto, sipas vlerësimit të SOFREP, përfshihen pagesa e ushtarëve rusë që po luftojnë në Ukrainë; sigurimi i municioneve, plumba dhe raketa; dhe kostoja për riparimin e pajisjeve ushtarake të humbura ose të dëmtuara.

Sidoqoftë, këto shifra nuk marrin parasysh se sa mund të ketë humbur Rusia financiarisht për shkak të sanksioneve të rënda ekonomike të vendosura ndaj saj – sanksione që mund të mbesin në fuqi edhe nëse Rusia tërheq trupat e saj, sipas Shtëpisë së Bardhë, përcjell Telegrafi.

Çfarë rrëfejnë ushtarët?

Në një telefonatë që SSU tha se kishte përgjuar, një ushtar rus i tha një të njohuri në Rusi se disa trupa refuzuan të fillonin një ofensivë të re në rajonin ukrainas të Kharkiv.

“Dhe ata na trajtojnë këtu shumë ashpër në përgjithësi, pothuajse deri në pikën e ekzekutimit”, citohet të ketë thënë ushtari. “Ne duam të ikim, por ata nuk na lënë”.

Lexo po ashtu Pse 9 Maji është 'një ditë e madhe për Rusinë' dhe a mund të ndodhë shpallja e luftës ndaj Ukrainës, po në këtë ditë?

Kur e pyetën pse refuzuan, ushtari tha: “Epo, ata na dërgojnë direkt në vijën e parë, në ferr të vërtetë. Atje jemi mish për top… Ka vetëm artileri… dhe të shkojmë nën zjarrin e artilerisë – është një dreq vetëvrasje”.

Një tjetër telefonatë, që SSU tha se ishte përgjuar në rajonin Kherson përfshinte një bisedë midis një komandanti batalioni rus dhe një komandanti kompanie i cili mbërriti me përforcime nga Republika e vetëshpallur Popullore e Donetskut (DNR).

Në telefonatë, komandanti i DNR përshkroi se si ushtarët rusë refuzuan të shkonin në një ofensivë dhe inkurajoi përforcimet e sapoardhura të bënin të njëjtën gjë, sipas SSU.

“Këtë mëngjes rusët refuzuan duke thënë: … A jeni idiotë? Ku dreqin jeni duke shkuar?’, dhe më pas filloi paniku”, tha komandanti i DNR.

Ndërkohë një komandant rus i një regjimenti që luftonte pranë Izium në rajonin e Kharkiv tha në mesazhet e raportuara të përgjuara se ai u përpoq të qëllonte disa nga ushtarët e tij “plotësisht të demoralizuar” pasi nuk “i ngrinte ata moralisht”.

“Unë madje qëllova disa. Dhe pa dobi”, supozohet të ketë thënë ai.

Trajtimi i keq edhe i të plagosurve

Bisedat në telefonatat shtesë të përgjuara nga SSU sugjerojnë se as të vdekurit dhe të plagosurit e Rusisë nuk trajtohen shumë më mirë.

SSU raportoi se një i burgosur lufte rus tha se ai dhe një ushtar i plagosur u braktisën në një fushë beteje nga një komandant gjatë një tërheqjeje.

Lexo po ashtu Putin kishte thënë se nuk kishte "absolutisht asgjë të keqe me politikën e jashtme të Hitlerit deri në mars të vitit 1939"

“Ata thanë se do të na merrnin, por nuk e bënë kurrë”, tha ushtari i kapur. “Kaq shumë djem mbetën të plagosur, të vrarë…”.

SSU gjithashtu raportoi, duke cituar një thirrje tjetër, se ushtarët rusë të vrarë në konflikt transportohen përsëri në Rusi me karvane, ndonjëherë duke mbërritur pjesërisht të dekompozuar dhe në nevojë për identifikim nga të afërmit e tyre.

Dëshira për t’u larguar nga Ukraina, ose të paktën përkohësisht për t’iu shmangur konfliktit, është aq intensive në mesin e disa ushtarëve rusë, saqë ata po mendojnë të plagosin veten, sipas bisedave në telefonatat e tjera që SSU tha se kishte përgjuar.

Lexo po ashtu Ukrainasit kanë përmbytur qëllimisht fshatin e tyre për të ndaluar tanket ruse të arrijnë në Kiev

“Unë do t’jua them këtë në konfidencë…ne donim të qëllonim këmbët e njëri-tjetrit me plumba ukrainas 7.62 dhe të ktheheshim në spital këtu në [Budyonnovsk]”, i tha një ushtar nënës së tij në një telefonatë.

Në një tjetër, një ushtar rus dyshohet se diskutoi me të dashurën e tij nëse ai duhet të “godiste” një pjesë në këmbën e tij në mënyrë që të mund të kthehej në Rusi.

Si përgjigje, e dashura e ushtarit sugjeroi që ai të qëllonte veten në këmbë, por ushtari më vonë arriti në përfundimin se një plagë e vetëshkaktuar nuk do të funksiononte. /Telegrafi/