Ceferin kërcënon Juventusin, Barcelonën dhe Real Madridin për planin e Superligës Evropiane

Presidenti i UEFA-s, Aleksander Ceferin konfirmon se Juventus, Barcelona dhe Real Madrid mund të sanksionohen pas përfshirjes së tyre në Superligën Evropiane.

Tre gjigantët evropianë janë të vetmit që nuk janë tërhequr zyrtarisht nga gara e shkëputur që u nis një vit më parë nga 12 klube elitare. Megjithatë, ajo u shpërbë brenda 48 orëve me një shtytje vendimtare nga Anglia. Klubet e Ligës Premier ishin të parat që lanë garën dhe u kthyen në ECA, të ndjekura nga Atletico Madrid, Inter dhe Milan.

Juve, Real Madrid dhe Barcelona janë ende jashtë ECA-s dhe mund të përballen me sanksione për përfshirjen e tyre në garë pasi Gjykata Komerciale e Madridit hoqi urdhrin e vendosur ndaj UEFA-s në fund të prillit.

Lexo po ashtu Juventusi, Barcelona dhe Real Madridi rrezikojnë përjashtimin nga Liga e Kampionëve për sezonin 2023/24

Klubi italian dhe ato nga La Liga mund të gjobiten apo edhe të përjashtohen nga garat evropiane nga 2023-2024. Presidenti i UEFA-s, Ceferin konfirmon se këto tre klube mund të përballen me sanksione në të ardhmen.

“Po sigurisht. Është e mundur. Por, le të shohim se çfarë do të ndodhë”, deklaroi ai për AS.

“Sapo morëm vendimin. Jemi të lumtur që më në fund erdhi. Isha i tronditur nga sjellja e gjyqtarit të mëparshëm – nuk na ofruan as seancë; sapo kemi marrë vendimin me masë sigurimi. Tani, më në fund, kemi pasur një dëgjim të duhur dhe këto masa janë hequr në tërësi. Unë u besoj autoriteteve dhe gjykatave spanjolle. Le të shohim se çfarë ndodh”.

Lexo po ashtu Një kthesë e re në sagën e Superligës Evropiane – Juventusi, Barcelona dhe Real Madridi mund të përballen me sanksione nga UEFA

“Shiko, ky projekt – për të cilin jam lodhur duke folur për shkak se nuk ekziston më – do të shkatërronte absolutisht futbollin”, vazhdoi ai.

“Kur pashë reagimin e tifozëve anglezë, mbeta i impresionuar. Tifozët në Francë dhe Gjermani nuk duhej të bënin asgjë sepse klubet e tyre nuk morën pjesë. Dhe u befasova pak nga reagimi i butë i tifozëve në Spanjë dhe Itali, megjithëse e kuptoj. Ndonjëherë këto gjëra shkojnë pak më ngadalë në disa vende, dhe duke qenë se ekipet italiane dhe Atletico Madrid e braktisën shpejt projektin, nuk kishte kohë të mjaftueshme për të pasur një reagim më të fortë nga tifozët. U befasova nga mungesa e reagimit të tifozëve të Barcelonës, pasi e kam konsideruar gjithmonë një klub popullor”.

Ceferin konfirmon gjithashtu se klubet nuk e informuan atë përpara se të niste projektin në prill 2021.

Lexo po ashtu Ndryshimet në Ligën e Kampionëve mund të hapin rrugën për një Superligë të ridizajnuar

“Ata nuk e bënë. Kur bëni diçka të tillë, ka më shumë kuptim që ata të na afrohen sesa anasjelltas. Por, ata nuk e bënë kurrë. Të vetmet ‘përshëndetje’ që UEFA mori prej tyre ishin nga gjykatat, pasi ata përpiqeshin të na sfidonin kudo. Asnjëherë nuk kemi thënë se nuk mund të luajnë në garën e tyre, sepse munden nëse duan”.

“Është qesharake që këto ishin klubet që aplikuan të parët për një vend në Ligën e Kampionëve. Nëse ata luajnë diçka tjetër, nuk mund të luajnë në garat tona. Ky nuk është monopol. Ata mund të krijojnë UEFA-n e tyre dhe të bëjnë gjithçka që mendojnë se është e drejtë. E dini, unë u tregova shumë respekt në të kaluarën. Nuk dua të flas për kryetarin e Juventusit, por në marrëdhënien time me të kam qenë shumë i hapur dhe i sinqertë. Nuk e kam thënë kurrë këtë më parë, por ftova edhe Presidentin e Realit (Madridit), Florentino Perez, në Nyon para se të ndodhë ndonjë nga këto për të folur për garat e ardhshme. Ai e anuloi takimin me një mesazh vetëm 24 orë më parë për shkak të asaj që ai e quajti ‘një ngjarje që lidhet me basketbollin’”.

Lexo po ashtu Al-Khelafi paralajmëron ndryshime të ndjeshme në Ligën e Kampionëve - finalja të jetë shfaqje më e madhe se ajo e Super Bowl

“Me Bartomeun nuk kam folur kurrë. Në një farë mënyre, ai tashmë ishte duke u larguar nga klubi. Kështu që të gjithë patën rastin të flisnin dhe ne nuk kemi qenë asnjëherë agresivë apo arrogantë. Njoftimi i atij projekti ishte një arrogancë e pabesueshme nga ana e tyre, prandaj ndoshta nuk duan të komunikojnë me UEFA-n. Por kjo nuk ndikoi kurrë në mënyrën se si ne i trajtuam ata në garat tona. Ju mund ta shihni nga suksesi i tyre – Real Madrid do të luajë finalen e Ligën e Kampionëve dhe Barcelonën në Ligën e Kampionëve për Femra. Ky është një sinjal i qartë se garat tona janë të shëndetshme, të drejta dhe korrekte”, ka shtuar më tej kreu i shtëpisë së futbollit evropian.

Zonja e Vjetër, Los Blancos dhe Bluagranasit ende shpresojnë që munda ta formojnë garën më të re në futbollin evropiane, mirëpo nuk kanë mbështetje nga klubet e tërhequra edhe pse të tri skuadrat insistojnë së janë të nënshkruara kontratat nga të gjitha dhe nuk mund të largohen. /Telegrafi/

👤 El presidente de la UEFA, Aleksander Ceferin, atiende a @diarioas en su despacho de Liubliana, en Eslovenia

🗣️ "Madrid, Barça y Juve pueden jugar un torneo rebelde, pero con nosotros no jugarían"

✍️ @AS_AGabilondohttps://t.co/sq1TEwCFza

— Diario AS (@diarioas) May 7, 2022