Reali i bashkohet skuadrave të mëdha në garë për Nkunkun

Christopher Nkunku është njëri nga futbollistët më në formë në Evropë.

Sulmuesi i talentuar francez është duke kaluar nëpër një formë të jashtëzakonshme me klubin gjerman RB Leipzig, ku shënon e asiston thuajse në çdo ndeshje.

24-vjeçari në 43 ndeshje në të gjitha garat ka shënuar 30 gola dhe ka asistuar në 18 të tjerë, duke qenë pjesëmarrës në 48 gola.

Por e ardhmja e francezit nuk pritet të jetë te Leipzig, pasi skuadrat më të mëdha evropiane janë vënë pas tij.

Bayern Munich, Arsenal, Manchester City, Manchester United, PSG e së fundmi edhe Real Madrid janë në garë për transferimin e francezit.

Los Blancos janë futur së fundmi në garë për sulmuesi francez, pasi në verë ata do të largojnë Mariano Diazin dhe Luka Jovicin nga Santiago Bernabeu.

Lexo po ashtu Interesimi i klubeve të mëdha shtyn Leipzigun të nisë bisedimet për rinovimin e Nkunku

Carlo Ancelotti e pëlqen shumë lojtarin dhe ka kërkuar nga drejtuesit e klubit transferimin e tij, pasi Nkunku mund të luaj edhe si anësorë i djathtë.

Gjithsesi Leipzig janë të gatshëm ta lejojnë largimin e yllit të skuadrës, por duan së paku 80 milionë euro. /Telegrafi/