Amber Heard, një tjetër grua abuzuese në Hollywood që i bashkohet Jada Pinkett Smith

Historikisht, gratë kanë vuajtur kundër burrave në çdo industri, por Hollywoodi është një tjetër shembull kryesor se si burrat priren të abuzojnë me fuqinë e tyre.

Si Jada Pinkett Smith ashtu edhe Amber Heard nuk po u bëjnë asnjë favor grave duke u sjellë ashtu siç sillen me partnerët e tyre përkatës.

Në mes të lëvizjes #MeToo, këto gra janë duke rikthyer vëmendjen kundër vetes në një mënyrë shkatërruese për feminizmin.

E gjithë puna e bërë nga shumë aktivistë të jashtëzakonshëm që kanë luftuar për barazinë gjinore po merr një njollë të madhe që Heardit dhe Jadas iu deshën vetëm një muaj për ta krijuar.

Ne nuk po themi se Johnny Depp dhe Will Smith janë të pafajshëm ose i lëndojnë gratë e tyre, por gjithçka që po themi është se po vuajnë abuzime të llojeve të ndryshme, shkruan Marca.

Rasti i Will Smith është i ndryshëm nga ai i Johnny:

Të dyja rastet nga gratë e tyre përkatëse ose nga ish-bashkëshortet konsiderohen abuzim.

Përderisa Jada është më pasive në qasjen e saj përmes një abuzimi psikologjik, Amber është e përfshirë drejtpërdrejtë në një sulm fizik kundër Johnny Depp.

Heard u takua me Johnnyn në vitin 2011, ku ajo arriti të shndërrohej në yll pothuajse menjëherë.

Që atëherë, provat nga gjyqi i fundit mes të dyve dëshmojnë se ajo ishte e fiksuar pas aktorit. Depp u përgjigj gjithashtu me dhunë, gjë që është thellësisht e gabuar, por Heard është ajo që e filloi atë, siç dëshmojnë provat në gjyq.

Në rastin e Jada Pinkett Smith, ne kemi një grua që vendosi të martohej nga presioni i familjes së saj. Që atëherë, duket se ajo kishte ide të ndryshme se çfarë duhet të jetë martesa dhe nuk u pajtua kurrë me Will Smithin për këtë.

Në vend që të divorcohet, ajo ka zgjedhur të vazhdojë të sulmojë burrin e saj me komente ose duke e tradhtuar atë.

Nëse mendonit se Hollywood kishte vetëm burra që abuzojnë me pushtetin e tyre, mendoni përsëri sepse Jada dhe Amber janë vetëm ‘maja e ajsbergut’.

Problemi është se gratë kanë vuajtur historikisht shumë më tepër se burrat nga abuzimi, por kjo nuk do të thotë që të gjitha gratë janë të pafajshme.

Të dyja gjinitë kanë njerëz të tmerrshëm që abuzojnë vazhdimisht me pushtetin e tyre në Hollywood. /Telegrafi/