De Bryune hero i qytetarëve, Man City fiton ngushtë ndaj Atletico Madridit

Manchester City ka shënuar fitore ndaj Atletico Madridi me rezultat 1-0 në ndeshjen e zhvilluar në “Ethihad Stadium”.

Ndeshja e parë çerekfinale mes këtyre dy skuadrave doli të jetë interesante edhe pse Man City ishte ajo që sulmonte, ndërsa Atletico Madridi mbrohej.

Qytetarët kishin dy raste të mira në pjesën e parë, ku fillimisht rrezikoi Bernardo Silva, i cili u fut në zonë, kur edhe u rrëzua, por gjyqtari nuk akordoi penallti.

Edhe Kevin de Bruyne kërkoi penallti në minutën e 40-të, por as kësaj radhe gjyqtari nuk ishte dakord.

HALF-TIME | Goalless at the break…

🔵 0-0 🔴 #ManCity pic.twitter.com/A9fKHsxnly

— Manchester City (@ManCity) April 5, 2022

Pjesa e dytë ishte edhe më energjikë, kur De Bruyne rrezikoi me një goditje dënimi, por Jan Oblak ishte në vend.

Aymeric Laporte rrezikoi në minutën e 64-të, por goditja e tij shkoi jashtë.

Në minutën e 70-të ishte momenti vendimtar në këtë ndeshje, kur De Bryne me një goditje brenda zonës shënoi për 1-0.

https://twitter.com/LRubinska/status/1511443295553130499

Edhe pse skuadrat tentuan, deri në fund nuk kishte më gola të tjerë dhe Man City mori një rezultat të favorshëm për ndeshjen kthyese. /Telegrafi/