Nora Istrefi sjell pamje të reja nga festa e ditëlindjes, merr vëmendje me dukjen elegante në fustan të zi

Këngëtarja e njohur, Nora Istrefi ditë më parë ka festuar ditëlindjen e 36-të me një aheng ku morën pjesë personat e saj më të afërt, familjar dhe miq.

Krahas fotove që shpërndau po atë natë, Nora së fundmi solli edhe disa të tjera në të cilat bashkëngjiti edhe një shkrim ku ka falënderuar të gjithë ata që ia zbukuruan këtë ditë të veçantë për të.

Për dukjen në ditëlindje, krijuesja e hitit “Sa t’kom dasht” zgjodhi një fustan të zi transparent në pjesën e gjoksit nga dizajneri Valdrin Sahiti, që ia theksonte në mënyrë të përkryera linjat joshëse të trupit.

“Rrugëtimi i jetës time ka qenë jashtëzakonisht i mirë për mu dhe për këtë e falënderoj Zotin. Faleminderit edhe njerëzve të mi të dashur që ma zbukuruan ditëlindjen, dhe krejt juve që ma keni uruar. Shumë dashuri për krejt”, ka shkruar Nora në mbishkrimin e imazheve.

Ndërkohë, Nora së fundmi është rikthyer me një projekt të ri muzikor “Më mungon” e që e solli të shoqëruar dhe me klip.

Ndërsa, gjatë kësaj kohe Nora mbetet e angazhuar edhe koncerte dhe mbrëmje të ndryshme muzikore. /Telegrafi/

View this post on Instagram

A post shared by Nora Istrefi (@noraistrefi)