Nuk është shaka, argjentinasit duan që zemra e Maradonës të jetë në “Katar 2022”

Nuk është sekret për askënd përkushtimi që argjentinasit kanë për futbollin, dhe gjithashtu nuk është mister që nëse ka një person që përfaqëson atë përkushtim dhe zjarr është Diego Armando Maradona, i cili u bë legjendë kur fitoi me Argjentinën Kupën e Botës të vitit 1986 në Meksikë.

Megjithatë, nga ai vit kanë kaluar 36 vjet, Maradona tashmë ka vdekur dhe ai që supozohej të ishte trashëgimtari i lavdisë së tij në nivel kombëtar do të ishte Lionel Messi, i cili tashmë është kualifikuar me Argjentinën në “Katar 2022” në atë që besohet të jetë shansi i tij i fundit për të fituar një Kupë Bote.

Lexo po ashtu Dalin detaje të reja për vdekjen e Maradonës

Ku është zemra e Maradonës?

Me këtë ide në mendje është se një grup tifozësh argjentinas kanë ardhur me një ide të pazakontë, që Messi dhe kombëtarja të shoqërohen në Katar nga zemra, fjalë për fjalë zemra e Maradonës.

“Në lajme u raportua se zemra e Maradonës ishte në një Prokurori. Kjo është një ide që ne kemi dhe duam që të gjithë të fillojnë ta dëgjojnë atë në mënyrë që ne të fillojmë ta ndajmë atë si argjentinas dhe të shohim nëse është e mundur”, ka thënë Javier Mentasti në emisionin “Llave en mano” në radio Rock and Pop në Buenos Aires.

Maradona’s heart should be petrified, covered in gold, and awarded to the best World Cup player https://t.co/QYtRgjvFxt

— Sergio (@salobonavia) March 23, 2022

Bëhet e ditur se zemra e Maradonës është në posedim të qeverisë argjentinase në një epruvetë për ruajtje dhe propozimi është që të bëhen masat e nevojshme në mënyrë që grupi i trajnerit Lionel Scaloni ta ketë në dorë gjatë pjesëmarrjes së tyre në Kupën e Botës.

Lexo po ashtu Dalin detajet të reja mbi vdekjen e Maradonës - doktori argjentinas thotë se legjenda e futbollit është varrosur pa zemër

Fat i mirë për Messin?

“Unë imagjinoj një kortezh që e mban, që njerëzit do të shoqëronin autobusin dhe se karvani do të mblidhej në Ezeiza para se të nisej”.

“Thuhen gjëra të shëmtuara, se ata donin ta vidhnin. Pra, pse të mos e bënin këtë? Për të shkuar në atë që mund të ishte Botërori i fundit i Messit, mund të ishte mirë”, përfundoi Mentansi.

Në verën e vitit 2021, Messi fitoi titullin e tij të parë me Argjentinën, Kupën e Amerikës të mbajtur në Brazil. /Telegrafi/