Mërgim Cahani dhe Jusuf Thaçi sot me sesion LIVE të pyetjeve për projektin e ri ‘Gjirafa Life’

Në programin e vitit të parë të krijuar nga Gjirafa dhe KODE Labs, LIFE from Gjirafa, do të pranohen vetëm 100 studentë.

Për të shuar kurreshtjen e të gjitha detajeve përgjatë procesit, të enjten, me 17 mars, prej orës 20:00 do të mbahet sesion i drejtpërdrejt me pyetje dhe përgjigje ku pyetjeve tuaja do u përgjigjen themeluesi dhe shefi ekzekutiv në Gjirafa,Inc, Mërgim Cahani si dhe Jusuf Thaçi, drejtues i programit.

MERRNI PJESË KËTU

Udhëheqësia është aftësi e të ndikuarit tek të tjerët. Meqë studentët janë e ardhmja e vendit, por shpesh janë konfuz në lidhje me dëshirat dhe qëllimet e tyre jetësore, LIFE from Gjirafa po u mundëson këtyre të rinjëve, sidomos në fushën e inxhinierisë t’i përsosin dhe të besojnë në zhvillimin e aftësive të tyre në vazhdimësi.

Ky program është ofruar falas për të gjithë të interesuarit, ku përveç mësimit teorik dhe praktik në fushën e inxhinierisë, ata që arrijnë ta përfundojnë me sukses programin do të kenë mundësi punësimi. Vlerësimi i atyre që aplikojnë do të bëhet përmes testeve që do ta bëj akoma më të ngushtë dhe më atraktive garën për tu futur në program.

Nga një lider me përvojë tek një lider i së ardhmes, me shkëmbimin e informacioneve të nevojshme deri në fund të programit do të arrini të bëheni person që do të nxjerrë më të mirën nga vetja e gjithashtu nga njerëzit e tjerë që u rrethojnë.

Për të marrë lajmërim në ditën e eventit duhet të përgjigjeni në event.

Lexo po ashtu Gjirafa sjell në jetë projektin LIFE - aftësim FALAS dhe punësim për të rinjtë