Më shumë se 2.5 milionë ukrainas janë larguar nga vendi i tyre që nga fillimi i agresionit rus – ja ku kanë shkuar ata

Në rreth dy javë, miliona refugjatë ukrainas janë detyruar të ikin ndërsa agresioni brutal rus ndaj atdheut të tyre vazhdon.

Numri i njerëzve në lëvizje përbën “krizën e refugjatëve në rritje më të shpejtë në Evropë që nga Lufta e Dytë Botërore”, tha të dielën komisioneri i Agjencisë së OKB-së për Refugjatët (UNHCR), Filippo Grandi.

Ndërsa shumë banorë në pjesët qendrore dhe lindore të vendit janë zhvendosur në Ukrainën perëndimore dhe larg vijave të frontit, më shumë se 2.5 milionë ukrainas janë larguar tërësisht pas fillimit të agresionit të Rusisë më 24 shkurt, sipas vlerësimeve të fundit të Kombeve të Bashkuara për refugjatët, përcjell Telegrafi.

Lexo po ashtu Agresioni rus: Nuk mbijeton gruaja shtatzënë e fotografuar duke u evakuuar nga spitali i bombarduar i Mariupolit në Ukrainë - vdes edhe foshnja e saj

Shumica e atyre që ikin nga Ukraina janë gra dhe fëmijë. Meshkujt ukrainas të moshës 18 deri në 60 vjeç u ndaluan të largoheshin pasi qeveria e saj kombëtare zbatoi ligjin ushtarak.

Me më shumë se 1.6 milion ukrainas që kaluan në territorin e saj që nga e premtja, sipas të dhënave të UNHCR-së, Polonia ka pranuar më së shumti refugjatë.

Lexo po ashtu Nëntë të vrarë nga një sulm rus në qendrën stërvitore në Lviv – çfarë dimë për bazën që është vetëm rreth 10 kilometra nga territori i NATO-s?

Vendet direkt në perëndim dhe jug të Ukrainës kanë pranuar gjithashtu një numër të madh refugjatësh.

Që nga agresioni, më shumë se 245,000 ukrainas kanë hyrë në Hungari, ndërsa mbi 195,000 kanë ikur në Sllovaki, sipas të dhënave të UNHCR-së të premten.

Ndërkohë, mbi 328,000 refugjatë kanë mbërritur në Moldavi, tha ministri i Jashtëm i vendit Nicu Popescu.

Lexo po ashtu Gazetari amerikan vritet nga forcat ruse në Ukrainë – plagoset kolegu i tij

Dhe më shumë se 173,000 kanë ikur që atëherë në Rumaninë fqinje, sipas UNHCR.

Në të gjithë Evropën, vendet duke përfshirë Gjermaninë, Austrinë, Kroacinë, Estoninë, Greqinë, Irlandën, Italinë, Lituaninë, Holandën, Portugalinë dhe Suedinë kanë raportuar secila prej mijëra ukrainasve që kanë mbërritur atje. /Telegrafi/