Labi dhuron 5000 euro për Fondin e Sigurisë

Këngëtari i njohur shqiptar, Labinot Tahiri, është i njohur për dhurimet e tij dhe kauzat sensibilizuese.

Së fundmi, ai ka bërë një dhurim prej 5000 eurosh për themelimin e Fondit të Sigurisë së Kosovës.

Përmes një fotografie të publikuar në rrjetin social Instagram, Tahiri ka falënderuar të gjitha pjesëmarrësit në koncertin e tij, pasi pa ta grumbullimi i të hollave nuk do të ishte i mundur.

Ai tha se 3000 euro janë ndarë nga të ardhurat e mbrëmjeve muzikore, gjersa 2000 i janë bashkangjitur nga Fondacioni i tij “Labinot Tahiri”.

View this post on Instagram

A post shared by Labinot Tahiri (@labinottahiriofficial)

“Faleminderit publik i dashur atje në Diasporë e në Kosovë, për prezencën në mbrëmjet tona, ku u ndamë të kënaqur të gjithë. Nga ato mbrëmje që punova, sot i ndava 3000 euro për Ushtrinë e Kosovës, dhe po ashtu edhe 2000 euro nga Fondacioni ynë. Zoti ju bekoftë të gjithëve”, ka shkruar ndër të tjerash këngëtari dhe ish-deputeti i Kuvendit të Kosovës.

Ashtu si Labi, shumë kolegë të tij përmes rrjeteve sociale bënë të ditur se po i bashkohen dhurimit vullnetar për Fondin e Sigurisë së Kosovës, të themeluar javë më parë nga Ministria e Mbrojtjes. /Telegrafi/