Regjistrimi i parë i trurit duke vdekur ka treguar se njerëzit mund të rijetojnë disa nga kujtimet e preferuara në momentet e fundit të jetës. Imazhi u regjistrua aksidentalisht pasi një pacient i lidhur me EEG pësoi një atak në zemër dhe vdiq.
Shkencëtarët kanë regjistruar në mënyrë të papritur shuarjen e organit tonë më kompleks, duke treguar një pamje mahnitëse të vdekjes së një pacienti që po trajtohej për epilepsi dhe i lidhur me një elektroencefalogram (EEG).
Gjatë matjes së aktivitetin trunor, mashkulli 87 vjeçar pësoi papritur një sulm në zemër dhe vdiq. Kjo do të thotë se 15 minuta para vdekjes së tij ishte regjistruar në EEG.
Në 30 sekonda është vënë re një rritje e valëve shumë specifike të trurit në të dyja anët. Këto valë, të njohura si lëkundjet gama, lidhen me gjëra të tilla si kujtesa, meditimi dhe ëndrra.
Megjithëse duhen kryer shumë studime të tjera, incizimet e regjistruara tregojnë se ne mund të shohim një lloj filmi të kujtimeve tona më të mira përpara se të vdesim.
Pjesët e trurit të aktivizuara në këtë studim sugjerojnë gjithashtu se ne mund të hyjmë në një gjendje çlodhëse të ngjashme me gjumin ose meditimin.
Edhe pse trupi po shuhet, truri mund të punojë ende në mënyrë intensive, në përpjekje të përbashkët për të përfunduar detyrën përfundimtare – duke e bërë procesin të ndihet më pak i zymtë.
“Duke gjeneruar lëkundje të përfshira në rikuperimin e kujtesës, truri mund ‘të shfaqë’ kujtimin e fundit të ngjarjeve të rëndësishme të jetës pak para vdekjes sonë, të ngjashme me ato të raportuara në përvojat e përafërta me vdekjen”.
“Këto gjetje vënë në pikëpyetje të kuptuarit tonë se kur mbaron saktësisht jeta”, ka deklaruar doktor Ajmal Zemmar, një neurokirurg në Universitetin Louisville Zemmar, i cili organizoi studimin.
Ndryshime të ngjashme në valët e trurit janë vërejtur te minjtë në kohën e vdekjes, por kurrë më parë te njerëzit.
Studimi, i botuar në Frontiers in Aging Neuroscience, thotë: “Të dhënat tona ofrojnë provat e para nga një tru njerëzor që është duke vdekur në një mjedis klinik joeksperimental të kujdesit akut në jetën reale dhe përkrahin (qëndrimin) se truri i njeriut mund të ketë aftësinë për të krijuar aktivitete të koordinuara gjatë periudhës së vdekjes afërt”.
Megjithatë, ky është vetëm një rast studimor i një truri, i cili veçmë ka qenë i dëmtuar nga epilepsia. /Telegrafi/
Promo
Reklamo këtuLufta Prigozhin - Putin
Më shumëTruk me të cilin do t’i eliminoni njollat yndyrore, njollat nga bari dhe ndryshku me një veprim!
Banorët e pallatit ku jetojnë njëzet mijë banorë nuk kanë nevojë të zbresin në tokë për javë të tëra
Hëna e plotë në Shigjetar: Ç’do të ndodhë me shenjën tënde
10 truke që të dalloni brendet origjinale nga ato joorigjinale
Peshqit: Horoskopi vjetor për 2024
S’ka asnjë njollë që nuk mund të hiqet! Mjeshtri zbulon truket, nga rrobat te lavamani
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Vuçiq: Sonte përfundoi karriera ime
Hovenier: Njohja reciproke është qëndrim i administratës Biden, por s’mendojmë se do të ndodhë tani
Gjashtë lojtarë të Barcelonës që mund të mos kenë të ardhme nën drejtimin e Hansi Flick
Vetëm një shtet i BE-së votoi kundër rezolutës së OKB-së për gjenocidin në Srebrenicë
Man City e sheh ish-lojtarin e tyre si zëvendësuesin perfekt të Guardiolas
Skena të shëmtuara pas finales Trepça-Ylli: Përleshje në palestrën "Minatori" - theren dy persona