SHBA-ja pritet të evakuojë stafin e ambasadës në Ukrainës mes frikës së një pushtimi të mundshëm rus

Shtetet e Bashkuara do të evakuojnë ambasadën e tyre në Kiev pasi zyrtarët e inteligjencës perëndimore paralajmërojnë se një pushtim rus i Ukrainës është gjithnjë e më i afërt.

Sipas AP News, përcjell Telegrafi, zyrtarët amerikanë thanë se Departamenti i Shtetit planifikon t’i njoftojë të shtunën që pothuajse të gjithë stafit amerikan në ambasadën e Kievit do t’i kërkohet të largohet përpara një pushtimi të mundshëm rus.

Një numër i vogël zyrtarësh mund të qëndrojnë në Kiev, por shumica dërrmuese e pothuajse 200 amerikanëve në ambasadë do të dërgohen ose do të zhvendosen në perëndimin e largët të Ukrainës, pranë kufirit polak, në mënyrë që SHBA-ja të mund të mbajnë një prani diplomatike në vend.

Departamenti i Shtetit nuk dha ndonjë koment.

Ndryshe, Pentagoni njoftoi të premten se do të dërgojë 3,000 trupa të tjera luftarake në Poloni për t’u bashkuar me 1,700 që tashmë janë mbledhur atje në një demonstrim të përkushtimit amerikan ndaj aleatëve të NATO-s të shqetësuar nga perspektiva e pushtimit të Rusisë në Ukrainë. /Telegrafi/