Luiz Felipe Ramos ka marrëveshje me Interin, mund të kalojë falas nga Lazio

Mbrojtësi i Lazios, Luiz Felipe Ramos, mund të refuzojë vazhdimin e kontratës, pasi tashmë ka një marrëveshje me Interin.

Do të ishte një tjetër goditje e madhe e Interit, veçanërisht pasi ai do të ndiqte hapat e Stefan de Vrij, i cili gjithashtu u largua nga Lazio si lojtar i lirë për të nënshkruar me Nerazzurrët në 2018.

Kontrata aktuale e Luiz Felipe me Biancocelesti do të skadojë më 30 qershor dhe duket sikur një marrëveshje e re është e pamundur.

Sipas Sportitalia, arsyeja është se qendërmbrojtësi tashmë ka një marrëveshje me Interin.

Ata kanë propozuar një kontratë pesëvjeçare me vlerë 2.7 milionë euro në sezon.

Mbrojtësi mbush 25 vjeç muajin tjetër dhe së fundmi mori thirrjen e tij të parë për skuadrën e Italisë, pasi kishte luajtur për Brazilin në grupmosha.

Luiz Felipe erdhi në Itali te Lazio në vitin 2016, duke u huazuar te Salernitana për sezonin e parë.

Simone Inzaghi po merr disa nga ish lojtarët e tij si  Joaquin Correa dhe Felipe Caicedo, që erdhën pas emërimit të tij. /Telegrafi/