Vazhdon ikja e mjekëve nga Kosova, edhe shtëpitë e shëndetit në Skenderaj me mungesë të stafit
Vetëm gjatë katër vjetëve të fundit mbi 400 mjekë të Kosovës kanë lënë vendin për të punuar në shtetet e Evropës.
Ikja nga vendi u tha se po bëhet për shkak të pagave të vogla dhe kushteve jo të mira të punës.
Kryetari i Odës së Mjekëve të Kosovës, Pleurat Sejdiu në një prononcim për Telegrafin tha se shumica e mjekëve që janë larguar kanë deklaruar se janë kushtet e punës, kualiteti i shkollimit specialistik dhe rrogat që i kanë bërë t’ia mësyjnë shteteve të Evropës.
“Gjatë këtyre 4 viteve të fundit, nga funksionalizimi i OMK-së janë larguar 454 mjekë, e kryesisht mosha mesatare e tyre është pak mbi moshën 31 vjeçare. Kurse gjatë një minisondazhi që e bëjmë me rastin e aplikimit për dokumentin e nevojshëm për punësim në shtetet e BE-së por jo vetëm, shumica janë deklaruar se largohen për shkak të kushteve të punës, pastaj vijnë kualiteti i shkollimit specialistik dhe rrogat”, kishte thënë Sejdiu.
Ikja e mjekëve i ka afektuar edhe qendrat e mjekësisë familjare, siç është edhe ajo në komunën e Skenderajt.
Ushtruesi i detyrës së drejtorit në këtë QKMF, Agron Mehmeti, ka thënë për Telegrafin se pesë doktor edhe pas pensionimit janë detyruar të punojnë në formë vullnetare, për shkak të mungesës së mjekëve në këtë qendër të mjekësisë.
“Mjekë nuk kemi, e gjithë Kosova shtëpitë e shëndetit e veçanërisht Skenderaj është me deficitin më të madh të mjekëve që 10 vjet e këndej. Në vitin 2012 kur kam fillu unë kemi qenë gjithsejtë 35 mjekë në të gjitha shërbimet në QKMF-të dhe në të gjitha ambulantet e fshatrave kryesore dhe fshatrave të tjera. Tash kemi ngelur vetëm 13 mjekë, 5 mjekë janë angazhuar në formë vullnetare pasi kanë dalë në pension pasi po mundohemi me i kompensu pagat e tyre me shtesa të komunës”, tha Mehmeti.
Por tutje, ai shtoi që është shumë problem të punohet me moshën e tretë, me mjekët e pensionuar në këtë rast për shkak se është vështirë të mbahen funksionale shërbimet për pacientë.
“Aktualisht, janë tre mjekë familjarë një gjinekolog dhe një pediatër. Por me këtë moshën e tretë tani është shumë vështirë me ja dalë e me i mbajt funksionale ashtu siç duhet shërbimet përkatëse. E për mjekët e tjerë kemi mungesë, kemi një numër të madh të mjekëve të cilët kanë ikur jashtë vendit”, u shpreh ai.
“Diku 4 ose 5 mjekë kanë ikur për çdo vit nga qendra jonë shëndetësore për jashtë vendit, kryesisht në Gjermani dhe në Zvicër por fatkeqësisht ka pasur ikje edhe gjatë këtij viti. Kështu që momentalisht i kemi 13 mjekë plus 5 mjekë të cilët kanë dal në pension. Është e vështirë me ja dal me këtë staf kur merret parasysh numri i mjekëve këtu brenda e aq më pak ne kemi mjek në dispozicion për të kryer shërbime të terrenit e kjo pastaj mbulohet edhe me infermierë që numri i tyre është më i kënaqshëm”, tha më tej Mehmeti.
Ndryshe, më 12 janar Qeveria e Kosovës ka miratuar vendimin për pagesën e specializantëve me vetëfinancim, duke filluar nga janari deri në gusht të këtij viti.
Ministri i Shëndetësisë, Rifat Latifi, para kabinetit qeveritar kishte thënë se duke pasur parasysh migrimin e mjekëve dhe pandeminë COVID-19 kjo është çështje me prioritet.
“Me qëllim të stimulimit të stafit shëndetësor, sidomos duke pasur parasysh trendin e migrimit të mjekëve tanë dhe pandeminë COVID-19, Ministria e Shëndetësisë e konsideron pagesën e specializantëve me vetfinancim si çështje me prioritet për vendin”, tha ai.
Sipas të dhënave të publikuara në tetor nga Agjencia e Statistikave të Kosovës (ASK), thuhet se më 2020 numri i përgjithshëm i të punësuarve në sistemin shëndetësor ishte 13,518. Prej tyre, 3,555 ishin mjekë specialistë, kurse 8,386 infermierë dhe 1,577 staf jomjekësor. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Osmani: Vizoni për një Evropë të lirë e në paqe i ofrohet realitetit kur vendet aspirante e të përkushtuara anëtarësohen në BE
Kovaçevski pas humbjes në zgjedhje: Do të jemi opozitë e përgjegjshme
Qeveria e Kosovës: Lajmi për përfundimin e mandatit të të dërguarit amerikan Escobar nuk doli prej nesh
Problemet me qasje në shërbimet e VALA-s, zëdhënësi i Telekomit tregon arsyen
Plagoset një polic në Zllakuqan të Klinës nga persona që kishin hyrë në shtëpinë e një prifti
Rasti i rëndë i Alma Arrazit – mesazhet me tone kërcënuese që ia dërgonte bashkëshorti Erdgysi
Këto pritet të jenë ulëset e partive në Kuvend për katër vitet e ardhshme
Caktohet seanca për inaugurimin e Siljanovska-Davkova për presidente
Arrestohet një polic në Gjakovë, dyshohet për ngacmim seksual të një të miture
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Polemika për golin e anuluar të Bayernit: Ishte apo jo pozicion jashtë loje?
UEFA theu protokollin gjatë vendimit të VAR-it në përballjen mes Real Madridit dhe Bayern Munichut
Matthijs de Ligt: “Gjyqtari më tha: 'Më falni, bëra një gabim'"
Numërohen mbi 95 për qind e votave, këto janë rezultatet dhe numri i deputetëve të partive në Kuvend
"Lutuni për RS" - çfarë do të thotë mesazhi i Rodrygos nën fanellën e tij
KSHZ publikon rezultatet e para përfundimtare, ky është numri i deputetëve të partive në Kuvend