Aktivistja e të drejtave të njeriut, Maryam Alkhawaja ka ngritur dyshime mbi kërkesën e Danimarkës për të marrë me qira qelitë e burgjeve të Kosovës, duke deklaruar se kjo nuk po bëhet për mungesë hapësire në Danimarkë.
Përmes një shkrimi në Twitter, ajo është shprehur se duhet të ketë një arsye pse po bëhet një kërkesë e tillë.
Tutje, Alkhawaja po ashtu ka pyetur nëse do të respektohen ligjet e implementuara në Danimarkë edhe për ata të burgosur të Danimarkës në Kosovë.
“Nuk është shkaku i mungesës së hapësirës në Danimarkë që qeveria dëshiron të marrë me qira hapësirë për 300 të burgosur në Kosovë, pra pyetja që duhet të bëhet është pse? Dhe, nëse do të respektohen rregullat, të drejtat dhe ligjet që implementohen në Danimarkë edhe për ata në Kosovë?”, shkruan Maryam Alkhawaja në Twitter.
It’s not for lack of space in #Denmark that the government wants to rent space for 300 prisoners in #Kosovo, so the question that needs to be asked is why? And will the rules, rights, and laws implemented in Denmark also be upheld and guaranteed to those in Kosovo? #DKPol https://t.co/zZ4QghTfvh
— Maryam Alkhawaja (@MARYAMALKHAWAJA) December 15, 2021
Derisa në Danimarkë po diskutohet shumë kjo çështje, nga Ministria e Drejtësisë ende nuk kanë dalë me një sqarim për këtë kërkesë.
Ministria e Drejtësisë sot pritet të sqarojë në detaje kërkesën e Danimarkës për marrje me qira të qelive të burgjeve në Kosovë.
Telegrafi merr vesh se ka pasur diskutime mes ministrive të Drejtësisë, asaj të Kosovës dhe Danimarkës në lidhje me këtë çështje.
Ministria e Drejtësisë pritet që gjatë ditës së sotme të jap më shumë detaje në lidhje me këtë temë, për të cilën kishte folur ministri i Drejtësisë së Danimarkës, Nick Hækkerup të mërkurën.
Ndryshe, Danimarka ka bërë të ditur se ky vend do të marrë me qira 300 qeli burgjesh në Kosovë.
Sipas mediave atje, kjo është bërë e ditur nga ministri i Drejtësisë, Nick Hækkerup të mërkurën, pas negociatave të marrëveshjes me Partinë Popullore Daneze, SF dhe Konservatorët.
Përveç kësaj, thuhet më tej, kapaciteti i burgut në Danimarkë duhet të zgjerohet me disa qindra vende. Kështu, kjo duhet të bëjë të mundur trajtimin e deri në 1000 të burgosur më shumë se sot.
“Ndër të tjera, jemi dakord që duhet të punohet për t’u marrë me qira burgjet në Kosovë për të dënuarit për dëbim nga vendet e treta. Dhe ne jemi duke u zgjeruar me më shumë vende burgje në burgjet daneze si në afat të shkurtër ashtu edhe në atë afatgjatë”, citohet të ketë thënë Nick Hækkerup për marrëveshjen.
Ndërsa, sipas zëdhënësit të politikës ligjore të Partisë Popullore Daneze, Peter Skaarup, kjo lehtëson barrën mbi sistemin danez të burgjeve.
“Kriminelët e deportuar tashmë mund ta kryejnë dënimin jashtë vendit dhe nuk është sekret se në burgjet daneze ka probleme hapësinore”, ka thënë Skaarup.
Megjithatë, ka të tillë që kanë dyshime rreth një marrëveshje të tillë.
Siç shkruan mediumi në fjalë, e Majta Radikale nuk do të hynte në marrëveshje në kushtet e dhëna dhe u largua nga negociatat.
Sepse përvoja nga jashtë është e frikshme, thotë zëdhënësja ligjore e partisë Samira Nawa.
“Norvegjia ka pasur më parë një marrëveshje shumë të keqtrajtuar për të marrë me qira burgje në Holandë. Ne jemi shumë të shqetësuar që ne në Danimarkë nuk duam të marrim përgjegjësinë për të burgosurit tanë vetë. Sistemi i burgjeve të Kosovës është kritikuar për korrupsion, dhunë ndërmjet të burgosurve dhe stafit të trajnuar dobët”, ka tërhequr vërejtjen ajo. /Telegrafi/
Promo
Reklamo këtuLufta Prigozhin - Putin
Më shumëGazetarja e RTK-së sulmohet nga qentë endacakë në Prishtinë
Çka deklaroi para trupit gjykues serbi i akuzuar për vrasjen e Oliver Ivanoviqit
Abdixhiku-Kurtit: Jep dorëheqje, cakto datën e zgjedhjeve - LDK do ta caktojë festën
Bislimi jep detaje për takimin në Bruksel: Propozimet e Serbisë ishin për legalizimin e strukturave paralele
QUINT-i dhe BE-ja reaguan për moslejimin e vizitës së tij, Musliu publikon deklaratën e partiarkut serb ku dezinformon rreth Kosovës
Një pishinë e brendshme 1600-vjeçare, e para e këtij lloji zbulohet në Shqipëri
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Guardiolan sa nuk e lëshoi zemra kur Heung-Min Son doli përballë Ortegas në shansin e madh të huqur nga koreani
“Më besoni, Mbappe nuk do t’i bashkohet Real Madridit” – iShowSpeed tregon se ku do të shkojë francezi
Rrëfimi i gruas që pretendon se nuk ka ngrënë apo pirë asgjë për më shumë se 16 vjet
Tre kartonë të kuq ndaj ekipit kundërshtar për t'ia siguruar titullin skuadrës së tij - gjyqtari holandez përjashtohet përjetësisht nga futbolli
Sport1: A po ndodh diçka e paimagjinueshme te Bayerni?
Julian Deda - finalisti i dytë i Big Brother VIP Albania 3