Aksion i policisë në Karaçevë, arrestohen disa persona

Policia e Kosovës  po zhvillon një aksion në fshatin Karaçevë të Kamenicës, në të njëjtin vend ku kohë më parë zhvillohej veprimtari ilegale e bixhozit.

Gjatë këtij aksioni të Policisë së Kosovës i cili po vazhdon edhe tani, ka pasur disa të arrestuar.

Lajmin për Telegrafin e ka konfirmuar zëdhënësi Policisë së Kosovës për rajonin e Gjilanit, Ismet Hashani.

“Është aksioni ende në progres dhe nuk kemi shumë informacione. Mund të ju konfirmoj se ka të arrestuar. Bëhet fjalë për pjesën ku ka pasur kazino ilegale të cilat janë rindërtuar”, tha Hashani për Telegrafin.

Aksioni ka të bëj me rindërtime që janë bërë për ushtrimin e veprimtarisë së bixhozit të paligjshëm, hapjen e kazinove të reja që janë bërë sërish në këtë vend pasi kohë më parë të njëjtat ishin rrënuar.

Ndryshe, më shumë se një vit më parë, Policia e Kosovës kishte nisur një aksion të madh ku u arrestuan një numër i madh i të dyshuarve, përfshirë këtu edhe zyrtarë policor.

Lexo po ashtu Aktakuza ndaj 14 zyrtarëve policorë, cila ishte lidhja e tyre me kontrabandën në Karaçevë?

73 persona, ndër ta 14 zyrtarë policorë, janë duke u akuzuar nga Prokuroria e Gjilanit për veprimtari ilegale në zonën e Karaçevës.

Lexo po ashtu Rasti ‘’Karaçeva’’, ngritet aktakuzë kundër 73 personave

Në aktakuzën 302-faqëshe shpjegohet në detaje veprimtaria e secilit të akuzuar në rastin “Karaçeva”, ku zhvillohej në mënyrë të kundërligjshme kontrabanda dhe lojërat e fatit. /Telegrafi/