“Tre pikë të arta”, Xavi i lumtur me fitoren e vuajtur ndaj Villarrealit

Trajneri i Barcelonës , Xavi beson se skuadra e tij ishte me fat që fitoi 3-1 në ndeshjen kundër Villarrealit të shtunën mbrëma në kuadër të La Ligas.

Tre pikë në ‘El Madrigal’ do të thotë se gjigantët katalunas tani kanë siguruar gjashtë pikë nga dy ndeshjet e ligës nën drejtimin e ish-reprezentuesit spanjoll.

Megjithatë, ata u detyruan t’i mbijetonin një frike të vonshme pasi Samuel Chukëueze anuloi golin e parë të shënuar nga Frenkie de Jong.

Golat e vonshëm nga Memphis Depay dhe zëvendësuesi Philippe Coutinho  përfundimisht vulosën fitoren në minutat e fundit dhe Xavi pretendoi se fitorja ishte një hap jetik për ekipin e tij të ri.

Lexo po ashtu Barcelona e Xavit vazhdon me fitore në La Liga, mposht Villarrealin në minutat e fundit

“Ne nuk e dominuam lojën siç prisnim, por luajtëm kundër një ekipi të madh”, ka thënë fillimisht Xavi për Marca pas ndeshjes.

“Ne ishim me fat pasi Villarreali nuk e meritonte të humbiste”.

“Kemi qenë me fat me golin e Memphis, por këto janë tre pikë të arta për ne”, përfundoi trajneri i Barcelonës.

#SundayMood 👇 pic.twitter.com/1Ve3voY1Fi

— FC Barcelona (@FCBarcelona) November 28, 2021

Barcelona është e pamposhtur në të gjitha garat nën drejtimin e Xavit, por ata përballen me një seri të vështirë ndeshjesh në La Liga dhe në Ligën e Kampionëve para fundit të vitit 2022.

Në Evropë, ata mund të kenë nevojë për një fitore në udhëtim ndaj Bayern Munich në ndeshjen e fundit të grupit nëse rivalët Benfica mundin Dynamo Kiev. /Telegrafi/