Xavi i interesuar ta rikthejë edhe Alcantaran në Camp Nou

Barcelona po shikon mundësinë e ri-nënshkrimit të Thiago Alcantara nga Liverpool , sipas raportimeve.

Liverpool Echo ka zbuluar disa informacione të brendshme nga gazetari portugez Pedro Almeida, i cili thotë se Xavi do të ishte i interesuar ta kthente mesfushorin në Spanjë.

Thiago doli nga akademia e Barçës dhe bëri 100 paraqitje për klubin, duke shënuar 11 gola. Ai luajti së bashku me Xavin midis viteve 2009 dhe 2013, përpara se të vazhdonte karrierën e tij në Bayern Munich.

Ka pasur disa lëvizje për të siguruar nënshkrimin e Thiagos, me Xavin që tashmë është takuar me Joan Laporta për të diskutuar nënshkrimin e një lojtari që thuhet se është “shumë i vlerësuar” nga menaxheri i Barcelonës.

30-vjeçari ka bërë shtatë paraqitje në të gjitha garat për Liverpoolin deri më tani këtë sezon dhe së fundmi është rikthyer në lojë nga një dëmtim në kyçin e këmbës në humbjen 3-2 të Reds ndaj West Ham United.

Ai iu bashkua klubit nga Merseyside në shtator të vitit 2020 nga Bayern Munich dhe u paraqit 37 herë për klubin deri më sot, duke shënuar një herë. /Telegrafi/

Dani #Alves is one of the players who can return to the Catalan club. Negotiations have already started.🇧🇷

Another player who may return to Camp nou is…#Thiago, the player is very appreciated by #Xavi, who will have already talked to Joan #Laporta about a possible return.🇪🇸#FCB https://t.co/hrE5QgJGzK pic.twitter.com/JqMp0LQ9cT

— Pedro Almeida (@pedrogva6) November 10, 2021