Detyra e parë e Xavit te Barcelona: Terapia për lojtarët e tij

Trajneri i përkohshëm, Sergi Barjuan bëri maksimumin e tij për të lënë Barcelonën në gjendje të mirë për pasuesin e tij, por rënia e katalunasve ndaj Celta Vigos të shtunën mbrëma ka krijuar një situatë të trazuar.

Pavarësisht se arriti të marrë një rezultat të mirë në Ligën e Kampionëve në mesjavë për të mbajtur gjallë sezonin evropian, Barcelona ende po lufton dhe tani ka katër ndeshje radhazi pa fitore në La Liga. Barazimi nga epërsia 3-0 kundër Celta Vigo është një goditje veçanërisht e ashpër.

Në fund të lojës në Balaidos, problemet e lojtarëve dukeshin se shkonin përtej futbollit. Ata ishin nervozë në pjesën e fundit të lojës, madje u sugjerua se Philippe Coutinho nuk pranoi të zbriste nga bankina për të zëvendësuar të dëmtuarin Ansu Fati. Kur u kërkua për një shpjegim, refuzimi i Sergi për të ofruar një të tillë thjesht ngriti më shumë pyetje.

Frenkie de Jong foli për “mungesën e karakterit” të Barcelonës në dhomën e zhveshjes dhe mbetet për t’u parë se si do të priten fjalët e tij nga shokët e tij, por është e qartë se ai po ndjente zhgënjimin e pranimit të tri golave.

Tani, trajneri i ri, Xavi do të hyjë në skuadër duke e ditur se ai ka nevojë për lojtarët e tij të mëdhenj për të ecur përpara.

Sergi ka folur gjithmonë sesi lojtarët e tij janë më të mirë se sa mund të sugjerojnë rezultatet e tyre këtë sezon, duke e bërë të qartë se morali në dhomën e zhveshjes ka qenë i ulët.

Probleme në pjesën e pasme

Xavi do të duhet të zgjidhë çështjet e tyre të mbrojtjes. Ata kanë pasur probleme në mbrojtje gjatë gjithë sezonit, dhe Eric Garcia ka qenë njëri nga ata që kanë luftuar për formën që nga transferimi nga Manchester City gjatë verës.

Rasti i Marc-Andre ter Stegen meriton një njohje të veçantë. Ai është kthyer nga një prej portierëve më të mirë të La Ligas në një pikë të dobët të këtij ekipi dhe një lojtar me një formë të tmerrshme.

Lëndimet

Edhe një herë, Barcelona nuk ka fat me lëndime. Ata aktualisht kanë 11 lojtarë në infermieri, duke e bërë punën e Xavit edhe më të komplikuar që në fillim.

Futbolli

Sigurisht, Xavi do të duhet të zgjidhë edhe problemet në fushë, e cila është një fushë për të cilën askush nuk ka dyshime.

Të gjithë besojnë se ai mund t’i bëjë ata të luajnë sërish futboll të mirë, duke pasur parasysh lojtarët me të cilët duhet të punojë.

Ajo që është e sigurt mbi çdo gjë tjetër është se Barcelona është në një krizë tjetër.

/Telegrafi/