Ministrja e Ekonomisë, Artane Rizvanolli ka folur në lidhje me emërimet nëpër ndërmarrjet publike, duke thënë se me emërimin e bordeve të përkohshme kanë dëshmuar se në pozita kanë vendosur profesionistë dhe jo persona në baza të përkatësisë politike.
Rizvanolli po ashtu ka mohuar se zgjedhja e kryeshefit ekzekutiv të Korporatës Energjetike të Kosovës, Nagip Krasniqi është bërë në bazë partiake.
Ajo theksoi se Krasniqi është vlerësuar si i vetmi që i plotëson kriteret edhe nga Ambasada britanike.
“E kemi dëshmuar edhe me emërimin e bordeve të përkohshme, se njerëzit që janë emëruar kanë qenë njerëz profesionistë, me përvojë dhe me integritet profesional e personal, e të cilët në asnjë mënyrë nuk janë zgjedhur në baza të përkatësisë politike”, tha Rizvanolli gjatë intervistës për Telegrafin.
E pyetur për zgjedhjen e ish-drejtuesit të Komitetit për Energji në Lëvizjen Vetëvendosje, Nagip Krasniqi në pozitën e kryeshefit ekzekutiv të Korporatës Energjetike të Kosovës, Rizvanolli tha se ai ka qenë i vetmi person i kualifikuar për ta emëruar në këtë pozitë.
“Bordi siç jeni të informuar sigurisht, në atë proces të rekrutimit e ka mbikëqyrur edhe Ambasada britanike dhe i vetmi person që është konsideruar që i ka plotësuar kriteret për tu emëruar është ai person”, tha Rizvanolli.
“Kjo çështje është e komplikuar më së shumti për faktin sepse kemi një histori të hidhur ku njerëzit pa kualifikimin e duhur janë vendosur në pozita vetëm se e kanë përkrahur një parti politike. Është bërë njëfarë stigmatizimi që nuk duhet të ndodh. Në rastin që cekët, është përzgjedhur jo vetëm prej bordit, është vlerësuar i pari prej bordit dhe është i vlerësuar i pari dhe i vetmi nga Ambasada britanike”, thekson ajo.
Rizvanolli u shpreh se në borde të përkohshme që janë emëruar, nuk ka pasur asnjë anëtarë të Lëvizjes Vetëvendosje.
“Sa u përket bordeve të përkohshme nuk ka pasur asnjë që ka qenë anëtarë i Lëvizjes Vetëvendosje, bile mund të thuhet se nganjëherë i kemi bërë padrejtë vetëm se kanë pasur ndonjë lidhje, kjo është e padrejtë. Çka është me rëndësi për mua si ministre, që në secilën pozitë të jenë njerëz të kualifikuar”, tha Rizvanolli. /Telegrafi/
Promo
Reklamo këtuLufta Prigozhin - Putin
Më shumëBëhu banor i kompleksit luksoz bregdetar “Holiday In 2” - Shëngjin
Për herë të parë në Kosovë vjen "Peja Outdoor Tourism Festival"
Ndrroje kerrin e vogël me Dacia Duster të ri për rrugë të gjata - Auto Mita
Telegrafi Jobs hap dyert për mundësi emocionuese për karrierë
“Dal në treg e kthehem me duar në xhepa”: A i kontrollon kush çmimet?
Murati thirrje qytetarëve të regjistrohen: Pensionet, shtesat e fëmijëve, e shumë vendime tjera do të varen nga ky regjistrim i popullsisë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Gabimi në Ligën e Kampionëve i kushton, UEFA pritet t’i jap një dënim të ashpër gjyqtarit Marciniak
Zvicra fiton "Eurovision 2024"
Holanda përjashtohet nga finalja e "Eurovision 2024"
Bombardimi i konsullatës në Ukrainë, Qeveria shqiptare interesohet për provat
E refuzuan Abdixhiku e Haradinaj, deklarohet Kurti: Mendova se është më së miri të takohemi të gjithë së bashku
Gjermania po e jep falas këtë vilë gjigante, por ka një problem: Sapo përmendet ish-pronari, askush nuk e dëshiron