Teatrot do të nisin “epokë të artë” të re falë kombinimit të publikut të ri entuziastë dhe shtytjes vepra të reja aventureske, thotë Michael Palin, transmeton Telegrafi.
Pak para premierës së të re të një opere të bazuar në një shfaqje të Palinit, e frymëzuar kjo nga babai i tij idhnak, ish ylli i Monty Python-ëve tha për “Observer” se është i lumtur që do të jetë pjesë e rikthimit kombëtar në teatër.
“Jemi të vetëdijshëm se sa shumë shfaqje kemi humbur dhe çfarë roli jetësor kjo luan në jetën tonë. Shpresoj se ky gëzim nuk do të jetë kalimtar, por do të manifestohet jo vetëm me ringjallje të mëdha, por edhe me vepra të reja të guximshme”, tha ai. “Kjo mund të jetë një epokë e artë e teatrit”.
Palini, që është 78 vjeç, shprehet se fuqia e operës i ka dhënë “madhështi” të papritur një studimi të errët komik të jetës familjare të klasës së mesme, që ai e shkroi për herë të parë para 25 vjetëve. Një histori e frymëzuar nga kujtimet e hidhura personale, është baza e një pjese moderne të teatrit lirik.
“Është një zhanër tjetër dhe po funksionon”, tha ai pasi ishte në provat e shfaqjes “Vikendi” (“The Weekend”), një prodhim i ri operistik i ndikuar nga xhazi, bazuar në shfaqjen e vitit 1994 me të njëjtin emër.
“Forma e operës ka shtirje, dyshime, gënjeshtra dhe xhelozi dhe kjo të lejon që ato të luhen në një shkallë të madhe, duke e çuar komedinë në një nivel krejt të ri”, shtoi Palin.
Shfaqja e tij u dha për herë të parë në “West End” në 1994, me Richard Wilsonin në rolin kryesor, i cili e luajti inatçiun Victor Meldrew në sitkomin e famshëm të BBC-së, “Një këmbë në varr”.
Fjala është për personazhin Stephen Frebble, i cili në pension tërheqet nga jeta familjare, duke e gjetur rehatinë në ditoren “Daily Telegraph” dhe një gotë uiski. Personazhi, sipas Palinit, ishte “lirshëm i bazuar” te babai i tij Edward Palin, një njeri që ishte “shumë i zemëruar me botën, në përgjithësi”. Paqja e personazhit pushtohet nga vizitat e fëmijëve të tij të rritur dhe, përfundimisht, nga lajmet e padëshiruara se ai dhe gruaja e tij po e organizojnë një gosti lokale kokteji.
Palin shprehet se “cilësia e madhe” e muzikës e preku menjëherë dhe se është i lumtur të jepte bekimin për shfaqjen e re, veçanërisht kur dëgjoi refrenin “duke i bërë jehonë banalitetit”, të tekstit të personazhit të tij, në një efekt komik. “Prania e refrenit dhe intimiteti i muzikës kundërshton momentet më të errëta kur të gjitha këto emocione papritmas pushojnë së qeni qesharake”, tha Palin.
“Nuk mund të besoja se sa shumë narracioni delikat e emocional i shfaqjes origjinale, është transformuar dhe ngritur duke e marrë një trajtë operistike”.
Trupa e Teatrit të Operës “Highbury” u bë e famshme kur katër vjet më parë kur e bëri adaptimin e veprës “Ethet e lojës” (“Fever Pitch”), që është libri më i shitur për futbollin i shkrimtarit Nick Hornby.
Palin ka pasë rolin kryesor të personazhit Frebble, së bashku me aktorët Penelope Wilton, Hugh Dennis, Bill Paterson, Patrick Barlow dhe Sophie Thompson, në një prodhim të “Vikendit” të transmetuar vitin e kaluar në BBC Radio 4. /Telegrafi/
Lufta Prigozhin - Putin
Më shumëJeta në komunizmin shqiptar
Fadil Hoxha e Veli Deva, Enver Hoxhës më 1968: Kujdes me Titon, se po na e vështirësoni punën në Kosovë
Fjalë të urta orientale: Mjeshtri i paaftë zihet me veglat e tij
EZRA POUND
Pesëdhjetë thënie të Volterit: Është e vështirë t’i çlirosh budallenjtë nga zinxhirët të cilët ata i adhurojnë!
Karnavalet, origjina dhe domethënia
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Grushte të fuqishme dhe hedhje në tokë, turko-gjermani Cinkara e fiton luftën ndaj boksierit kosovar Armend Xhoxhaj
Xhensila Myrtezaj rrëzohet në skenë, në nisje të performancës: Uroj të mos e keni kapur këtë
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Ish-legjenda e Liverpoolit tregon ‘arsyen e vetme’ që çoi tek përplasja e Salahut me Kloppin
NASA dhe Nokia po dërgojnë rrjetin 4G në hapësirë - çfarë do të thotë kjo për njerëzimin?
Pamje të reja nga përplasja e Salahut me Kloppin tregojnë saktësisht se çfarë ka ndodhur