Aguero mohon të ketë në kontratën e tij te Barcelona një klauzolë që e lidh me Messin

Sergio Aguero ka thënë se ai nuk ka asnjë klauzolë që e lidh atë me Lionel Messin në kontratën me Barcelonën.

Sulmuesi argjentinas kaloi te Blaugranasit si lojtar i lirë në verën e këtij viti, duke i dhënë fund karrierës së tij të ndritur në Ligën Premier me Manchester Cityn.

Aguero kaloi te skuadra katalunase pasi dëshironte te luante me bashkëkombësin e tij, mirëpo një gjë e tillë ishte e pamundur, me këtë të fundit që kaloi po ashtu si lojtar i lirë te Paris Saint-Germain.

Lexo po ashtu Sergio Aguero tregon pse refuzoi fanellën nr. 10 të Lionel Messit te Barcelona

Më pas kishte zëra se sulmuesi dëshironte të largohej nga Camp Nou, pas largimit të gjashtë herë fituesit të Topit të Artë, mirëpo sipas Kun nuk është e vërtetë.

“Nuk e kuptoj përse janë këto bisedime. Kur unë nënshkrova, Leo ishte në bisedime dhe ishte rrugës për të arritur marrëveshje”, ka thënë Aguero për RAC1.

Lexo po ashtu Është lojtar i Barcelonës, por Aguero tregon se Manchester City është skuadër më e mirë aktualisht se katalunasit

“Nuk e kam cekuar asnjëherë se ka klauzolë, kishte zëra se ka diçka të tillë, por nuk kishte asgjë”.

Messi dhe Aguero janë dy shokë shumë të ngushtë, mirëpo ky afat kalimtar i bashkoi, për t’i ndarë prapë. /Telegrafi/