Zbulohet biseda e ashpër e Lionel Messit me zyrtarin shëndetësor të Brazilit për shkak të anulimit të ndeshjes

Biseda e nxehtë e Lionel Messit me një zyrtar shëndetësor është zbuluar pas suspendimit të diskutueshme të ndeshjes mes Brazilit dhe Argjentinës.

Takimi kualifikues për Kupën e Botës u braktis vetëm pesë minuta pas fillimit të së dielës.

Zyrtarët brazilianë të shëndetësisë hynë në fushën e lojës dhe kundërshtuan pjesëmarrjen e katër lojtarëve të Argjentinës që ata besojnë se thyen protokollet e COVID-19.

Ajo erdhi pasi autoritetet e Brazilit kishin thënë se katër lojtarë që luajnë në Ligën Premier duhej të karantinoheshin pasi udhëtuan nga Anglia.

Loja nuk rifilloi pas ndërhyrjes dramatike, me Messin që shfaqi zemërimin e tij ndaj zyrtarit shëndetësor.

Sipas RMC Sport, ai tha: “Ne kemi qenë këtu për tre ditë, po prisnim të luanim ndeshjen, pse nuk erdhët më herët?”.

“Kjo është një rrëmujë, ne do të largohemi”.

Trajneri i Argjentinës, Lionel Scaloni tha se situata e bëri atë “shumë të trishtuar” dhe sulmoi zyrtarët shëndetësorë të Brazilit për ndërprerjen e ndeshjes.

“Kjo më bën shumë të trishtuar”, deklaroi ai. “Unë nuk jam duke kërkuar ndonjë fajtor. Nëse diçka ka ndodhur ose nuk ka ndodhur, nuk ishte koha për të bërë atë ndërhyrje”.

“Duhet të ishte një festë për të gjithë, për të shijuar lojtarët më të mirë në botë. Unë do të doja që njerëzit e Argjentinës të kuptonin se si trajner unë duhet të mbroj lojtarët e mi”.

“Në asnjë moment nuk u njoftuam se ata nuk mund të luanin ndeshjen. Ne donim ta luanim ndeshjen, edhe futbollistët brazilianë gjithashtu”.

Asnjë datë e re për takimin e riorganizuar nuk është caktuar, me Brazilin dhe Argjentinën që presin vendimin zyrtar. /Telegrafi/

🚫 #Brazil vs #Argentina is actually suspended. Brazilian Health Authorities have stormed onto the pitch to deport Emiliano Martinez, Lo Celso, Buendia and Cristian Romero. #Messi just said: “We’re leaving”. pic.twitter.com/lIHvpY8KEK

— Gianluigi Longari (@Glongari) September 5, 2021

Now that the Brazil vs Argentina match is officially suspended, let's enjoy this reunion clip of Lionel Messi, Dani Alves & Neymar Jr 💙❤pic.twitter.com/EOaHMcPfp9

— Messaitama🤺🇦🇷 (@messaitama) September 5, 2021