Koeman pas barazimit me Bilbaon: Barcelonës i mungon Messi në këto lloj ndeshjesh

Trajneri i Barcelonës, Ronald Koeman ka pranuar se klubi tashmë po ndjen mungesën e yllit argjentinas, Lionel Messi, i cili u largua drejt Paris Saint-Germain.

Messi e ndërpreu lidhjen e tij 20-vjeçare me gjigantët katalunas në fillim të muajit pasi u largua nga klubi pas skadimit të kontratës së tij.

Argjentinasi ende nuk ka bërë debutimin e tij për klubin e ri Paris Saint-Germain dhe ish-klubi i tij, Barcelona, tashmë ka filluar të durojë një fillim sezoni të përzier.

Lexo po ashtu Barcelona del me një pikë nga ‘San Mames’ – super goli i Depay shpëton katalunasit nga humbja

Një fitore e javës së parë ndaj Real Sociedad u pasua nga një barazim në Athletic Bilbao këtë fundjavë dhe Koeman deklaroi se skuadrës i mungonte Messi kundër klubit ndaj të cilit ka shënuar më shumë gola në karrierën e tij.

“Nuk më pëlqen të flas gjithmonë për këtë, por ne po flasim për lojtarin më të mirë në botë”, ka thënë fillimisht Koeman për gazetën Marca.

“Kundërshtari ka më shumë frikë kur Messi është aty”.

Lexo po ashtu Notat e lojtarëve, Athletic Bilbao 1-1 Barcelona: De Jong më i miri në fushë

“Nëse i jepni Leos një pasim, ai zakonisht nuk e humb topin. Mund të thuash që ai nuk është këtu. Ne e dimë këtë, por nuk mund të ndryshohet”, përfundoi holandezi.

Ndryshe, Barcelona barazoi 1-1 falë një supergoli të shënuar nga Memphis Depay në fundin e pjesës së dytë, ndërsa ndeshjen e radhës e luan pas shtatë ditësh ndaj Getafes në Camp Nou më 29 gusht. /Telegrafi/