Te Real Madridi të bindur: Gareth Bale është një tjetër njeri, ai madje duket ndryshe

Njerëzit pranë Real Madridit thonë se Gareth Bale është një tjetër person këtë sezon, në aspektin e mirë, ku edhe Carlo Ancelotti është i kënaqur me seriozitetin e uellsianit dhe qëndrimin e tij.

Sulmuesi ishte sulmuar nga të gjitha anët, deri në atë pikë sa dukej e pamundur që ai të mbetej lojtar i Real Madridit këtë sezon, por ai qëndroi dhe luajti si startues në ndeshjen e parë të sezonit të ri.

“Ai është një person tjetër, madje duket ndryshe”, janë disa fjalë që vijnë nga qendra stërvitore në Valdebebas.

😀 @David_Alaba
😀 @GarethBale11 pic.twitter.com/csWIK204Tl

— Real Madrid C.F. (@realmadrid) August 18, 2021

Nga një lojtar ‘i zhdukur’ nën drejtimin e Zinedine Zidanes, Gareth Bale po punon fort me Ancelottin dhe është i fokusuar, i integruar dhe shumë i gjallë e i shoqërueshëm me grupit e lojtarëve.

32-vjeçari, për të cilin thanë se mund të tërhiqet nga futbolli me klubeve këtë sezon, thuhet se po shijon stërvitjet dhe po kënaqet me shokët e tij të skuadrës.

Madje as humbja e fanellës me nr.11 dhe kalimi te ajo me nr.18 duket se nuk e ka shqetësuar Gareth Balen, ku brenda Realit thonë se ai është i njëjti që ishte me Uellsin, por edhe klubin mbretëror disa vite më herët në karrierën e tij.

Carlo Ancelotti, natyrisht, është i kënaqur me qëndrimin e lojtarit dhe nuk është rastësi që sulmuesi uellsian po luan futbollin e tioj më të mirë nën drejtimin e italianit.

Trajneri i ri di se si të sillet me Balen dhe, më e rëndësishmja, ai di se si t’i japë atij hapësirën që i nevojitet.

Në dy sezonet kur drejtoi Ancelotti në Real Madrid, Bale shënoi 22 gola në 44 paraqitje (sezoni 2013-14) dhe 17 në 48 ndeshje (sezoni 2014-15). Përveç kësaj, ai dha 31 asistime gjatë dy sezoneve.

Tifozët e Real Madridit pa dyshim do të donin të shihnin një rikthim të lojtarit që shënoi në finalen e Kupës së Mbretit dhe finalen e Ligës së Kampionëve në vitin 2014.

Tani për tani, vetë lojtari po e shijon sërish jetën në Valdebebas.

Mourinho e ktheu sërish në formë

Jose Mourinho ishte ai që e ktheu në formë lojtarin, duke e kuptuar dëshirën e lojtarit, e cila ishte një program stërvitor më i individualizuar, ku parashihej një intensitet i lartë dy ditë para një ndeshjeje, por shumë më i lehtë një ditë para ndeshjes.

Portugezit iu desh pak kohë që të kapte këtë ide, por kur ai e bëri, rezultatet ishin të mira.

Bale u përmirësua shumë në gjysmën e dytë të sezonit dhe e përfundoi edicionin me 16 gola, më shumë sesa kishte shënuar për “Los Blancos” që nga viti 2017-18.

Ndonjëherë lojtarët specialë kanë nevojë për trajtim të veçantë, një gjë që Ancelotti e njeh dhe është e hapur.

Bale dhe Ancelotti – është një kombinim që i kanë sjellë suksese Madridit më parë … a mund ta bëjnë përsëri? /Telegrafi/