Masa të reja shkaku i coronavirusit – Udhëtarët duhet të tregojnë njërin prej këtyre dokumenteve për të hyrë në Gjermani

Nga kjo fundjavë, të gjithë udhëtarët që shkojnë në Gjermani do të duhet të tregojnë dëshmi të imunitetit ndaj COVID-19, gjegjësisht një certifikatë vaksinimi apo se ishte infektuar më parë, shkruan sot gazeta gjermane “Spiegel”.

Plani i fundit, i përfshirë në një dokument të ministrisë së shëndetësisë të rishikuar nga gazeta, pasqyron shqetësimet në rritje të zyrtarëve rajonalë gjermanë rreth rritjes së numrave, i cili mund të nxisë një valë të katërt kur gjermanët të kthehen në shtëpi nga pushimet.

“Niveli i numrave të rinj në Gjermani aktualisht është mjaft i ulët në krahasim me vendet e tjera”, tha dokumenti, por shtoi se “rritja e aktivitetit turistik rrezikon të përmbysë atë trend”, citon yahoonews.

Gjermania tani kërkon një test negativ ose dëshmi të imunitetit vetëm nga ata që vijnë nga të ashtuquajturat “zona rreziku”, “zona me numra të lartë” dhe “zona të varianteve të virusit”, të cilat tani përfshijnë Britaninë, Spanjën dhe Holandën.

Gjermania regjistroi 3,142 infeksione të reja sot, sipas Institutit Robert Koch për Sëmundjet Infektive.

Pas përparimit fillestar të ngadalshëm të fushatës së vaksinimit, Gjermania e ka përshpejtuar atë proces dhe deri më tani 61.3 për qind e popullsisë ka marrë të paktën një dozë. /Telegrafi/