Kusari-Lila: Qytetarët e Gjakovës në masë të madhe po kërkojnë që të jem kandidate për kryetare

Shefja e Grupit Parlamentar të Lëvizjes Vetëvendosjes (LVV), Mimoza Kusari-Lila ka thënë se LVV është në fazën përfundimtare të diskutimit të kandidaturave për kryetarë të komunave.

Kusari-Lila në “Debat Plus” ka thënë se personalisht ende nuk e ka vendosur nëse do të kandidoj për kryetare të Gjakovës apo jo.

“Qytetarët nga të gjitha partitë janë duke më bërë kërkesa të mëdha për t’iu futur garës në Gjakovë, por ende nuk e kam marrë vendimin. Unë asnjëherë nuk kam qenë e shkëputur nga Gjakova”, tha ajo, përcjell Telegrafi.

Deputetja e shumicës thotë se dega e Alternativës në Gjakovë çdo ditë është duke i kërkuar që të garojë për Gjakovën, por thotë se qendra në Prishtinë nuk është e këtij mendimi.

“Qendra thotë se kemi punë në Parlament”.

Megjithatë Kusari-Lila thotë se nëse do të kandidonte, fitorja e saj ën Gjakovë do të ishte e sigurt.

Kusari-Lila thotë se është duke i konsideruar të gjitha opsionet për të ardhmen përfshirë edhe pozitën si ushtruese e detyrës së Shefes së Grupit Parlamentarë të LVV-së.

“Rrethanat shpesh herë më kanë obligua të jem aty ku nuk kam planifikuar më parë. Edhe kësaj radhe shumë shpejt do të vendoset nëse do të garojë apo jo në Gjakovë”, tha ndër të tjera Mimoza Kusari-Lila./Telegrafi/