“Turp të kesh!” – Van Dijk përgënjeshtron gazetarin që pretendonte se ai po udhëheq një ‘revoltë’ kundër emërimit të Van Gaalit te Holanda

Mbrojtësi i Liverpoolit, Virgil van Dijk ka kritikuar një gazetar i cili pretendoi se ai ishte duke udhëhequr një ‘revoltë’ kundër emërimit të Louis van Gaal si menaxher i ri i Kombëtares së Holandës.

Holanda u nda me menaxherin e mëparshëm Frank de Boer në fillim të kësaj vere pas një fushate zhgënjyese në Euro 2020.

Van Gaal është shfaqur si favorit për të marrë punën e trajnerit dhe do të ishte pozicioni i tij i tretë në krye te Tulipanëve.

Mediumi The Mirror me anë të gazetarit Simon Mullock kishte pretenduar se ‘lojtarët e vjetër’ ishin kundër këtij emërimi, në veçanti kapiteni Van Dijk dhe zëvendës-kapiteni Gini Wijnaldum.

Sidoqoftë, Van Dijk ka shkruar përsëri në mediat sociale dhe ka deklaruar se raportet janë krejtësisht të rreme.

“Kjo histori është plotësisht e rreme. Asnjëherë nuk ka qenë më e rëndësishme që gazetarët të thonë të vërtetën dhe jo vetëm të krijojnë gjëra. Turp për ty”, ka shkruar Van Dijk në profilin e tij.

This story is completely false. It’s never been more important for journalists to tell the truth and not just make stuff up. Shame on you Mr. @MullockSMirror https://t.co/aYRDvqSk21

— Virgil van Dijk (@VirgilvDijk) July 17, 2021

Van Dijk nuk u paraqit në Euro 2020 këtë verë për shkak të një dëmtimi në gju që e mbajti atë larg fushave të blera që nga tetori.

Nën drejtimin e van Gaal, Holanda u dallua në Kupën e Botës 2014 dhe shkatërroi Spanjën në ndeshjen e tyre hapëse të grupeve.

Nën drejtimin e tij, Tulipanët arritën të shkonin në gjysmëfinale, para se të eliminoheshin nga Argjentina, por përfunduan në vendin e tretë pasi mposhten Brazilin.

Ai u largua pas turneut dhe kaloi dy vjet në Manchester United para se të shkarkohej në vitin 2016. /Telegrafi/