Nandez dëshiron transferimin te Interi, Cagliari kërkon t’i paguhet klauzola e lartë

Nahitan Nandez thuhet se dëshiron të bashkohet me Interin, por Cagliari po kërkon të paguhet klauzola e lirimit prej 36 milionë eurosh në kontratën e tij.

Sipas mediumit La Gazzetta dello Sport, agjenti i mesfushorit Pablo Bentancur foli dje (e shtunë) me drejtuesit e Interit, Beppe Marotta dhe Piero Ausilio, duke konfirmuar vullnetin e mesfushorit për t’u bashkuar me Nerazzurrët.

Por, raporti zbulon se Cagliari nuk është i gatshëm të japë ndonjë ulje për uruguaianin dhe po kërkon 36 milionë euro, po aq sa është klauzola e lirimit në marrëveshjen e tij në Sardegna Arena.

After Lugano-Inter Piero #Ausilio has met Nahitan #Nandez’s agent (Pablo Bentancur). Nerazzurri wants to sign the Uruguayan player and have offered a loan with option to buy to #Cagliari, which ask an obligation. Nandez has already agreed personal terms. Talks ongoing. #transfers https://t.co/Y4vDVbcjaZ

— Nicolò Schira (@NicoSchira) July 18, 2021

Operacioni filloi kur klubi Rossoblu kërkoi dhe mori Dalbert Henrique, dhe e njëjta rrugë pritet të ndiqet nga Radja Nainggolan.

Mesfushori francez Lucien Agoume përmendet gjithashtu si një peshë e mundshme për të bindur Cagliarin, edhe në një marrëveshje të përhershme, sipas gazetës.

Interi duhet të bindë Presidentin e Cagliarit, Tommaso Giulini dhe takimi vendimtar pritet të zhvillohet javën e ardhshme.

Megjithatë, fillimisht Nerazzurrët mund të përfundojnë vetëm një marrëveshje huazimi me një mundësi blerje për Nandez. /Telegrafi/