Si zhvillohet bebja dhe me cilat probleme mund të ballafaqohet shtatzëna në tremujorin e tretë të shtatzënisë
Te disa femra në muajt e fundit të shtatzënisë sërish shfaqen lodhja dhe irritimet. Mirëpo, së shpejti do të arrijë dita kur çdo gjë do të zgjidhet, ndërsa pastaj pason periudha e kënaqjes së pafund në amësi! – transmeton Telegrafi.
MUAJI I SHTATË
Nëna
Në këtë periudhë mund të vëreni që nga sisët del lëng ujor i bardhemët apo lëng i verdhemët. Mos u brengosni, fjala është për kolostrumin – qumështin e parë, i cili krijohet për shkak të nivelit të lartë të hormonit prolaktinë (ai përgatit sisët tuaja për t’i dhënë gji bebes). Qumështin e vërtetë fillojnë të tajitin disa ditë pas lindjes.
Nëse shtatzënia juaj deri tani ka rrjedhur pa probleme, është momenti i fundit të filloni me ushtrimet psikofizike. Bëni listën për maternitet, si edhe listën e gjërave të domosdoshme për beben. Nga fundi i muajit të shtatë duhet bërë kontrolli i tretë me ultrazë.
Në këtë periudhë më shpesh do të urinoni, për shkak të presionit të shtuar të mitrës në fshikëz, por edhe këmbët do t’ju ënjtjen. Shmangni çdo gjë që ju shtrëngon, nëse vëreni që po ju ënjtjen duart dhe fytyra, patjetër shkoni te mjeku.
Bebja
Bebja juaj shpejt rritet dhe “plotëson” trupin e vet. Procesi i pjekjes së funksionit të mushkërive përfundon kështu që ajo tani, nëse lind më herët – është e gatshme për jetë jashtë mitrës. Lëkurën e ka ngjyrë të trëndafiltë, duart dhe këmbët topolake, ndërkaq rrudhat në lëkurë ngadalë zhduken.
Është shumë aktive dhe rrotullohet me shkathtësi në stomak si peshku në ujë.
MUAJI I TETË
Nëna
Nga muaji i tetë i shtatzënisë, do të duhej të shkoni më shpesh në kontrolle. Lodhja do t’ju shoqërojë, sepse gjumi i natës është i çrregulluar duke kërkuar vazhdimisht pozitën e përshtatshme për gjumë.
Pushoni gjatë ditës, shtrijuni çdoherë kur e ndieni të nevojshme. Nyjat dhe gishtat do t’ju ënjtën akoma, ndërsa këtyre telasheve të pakëndshme do “t’u bashkohen edhe dhembja e shpinës, venat e zgjeruara dhe hemorroidet.
Mund të prisni që bebja të “dalë”, domethënë që koka e vogël e saj të vendoset në pjesën e komblikut dhe të përgatitet për lindje. Kur të ndodhë kjo, do ta keni më lehtë të merrni frymë, mirëpo presioni ka lëvizur poshtë, kështu që mund të prisni probleme me gazrat dhe me urinim edhe më të shpeshtë.
Bebja
Duke u rritur, bebja ka gjithnjë e më pak hapësirë, andaj çdo lëvizje të saj e ndieni më fuqishëm. Që tani ka ritmin e vet të gjumit, kështu që do të ndërrohen periudhat kur është e zgjuar dhe kur fle gjumë – ju do ta ndieni qartë sipas aktivitetit të saj.
Akoma “rrumbullakohet”, faqet i ka gjithnjë e më topolake. Koka e vogël e bebes është tërësisht e formuar, mirëpo kockat e kokës nuk i janë rritur, ashtu që madhësia e saj mund t’i përshtatet kanalit të lindjes.
MUAJI I NËNTË
Nëna
Gjatë muajit të nëntë me siguri do të shkoni te mjeku një herë në javë. Sigurohuni a ka lëvizur bebja – së paku dhjetë herë gjatë ditës. Nëse ju duket që bebja është në mënyrë të pazakonshme e qetë, shkoni te mjeku. Çdo ditë mund të prisni të fillojnë kontraktimet e lindjes. Kontrolloni edhe një herë.
A i keni përgatitur të gjitha gjërat? Nëse po, shfrytëzoni kohën deri në lindje për pushim dhe grumbullim të forcës për atë që ju pret.
Bebja
Bebja ende shton peshë. Trashësia është e rëndësishme, sepse rregullon temperaturën trupore. Qimet nga lëkura e bebes kryesisht janë zhdukur, flokët mbulojnë kokën, ndërkaq qerpikët dhe vetullat janë rritur plotësisht.
Në fund të këtij muaji bebja është e rëndë rreth 3.400 gramëve, ndërkaq gjatësia 48-51 centimetra, me mundësi të dallimeve të mëdha. Mirëpo, më me rëndësi është që është e gatshme të lindë.
/Telegrafi/
Lufta Prigozhin - Putin
Më shumëKim bëri ndryshimin në pamje dhe kjo nuk është hera e parë që krahasohet me gruan e Kanye
Cikli menstrual: Çfarë duhet ngrënë për t’u ndjerë menjëherë mirë
Si fillon lindja: Janë dy mënyra që mund t’ju tregojnë që lindja ka filluar
Balenciaga shet një byzylyk që duket si shirit ngjitës, ndërsa çmimi është "i turpshëm"
Diarreja, parandalimi te fëmijët
Tetë trendet e grimit që duhet t’i provoni këtë sezon
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Harry Kane i përgjigjet incidentit të penalltisë me Jude Bellingham me një përgjigje të qartë
Ancelotti tregohet i sinqertë për lojën që bëri Bayerni përballë Realit
Tchouameni ndërpreu Mullerin në intervistë, krijohet situatë qesharake mes dyshes
Tifozja shqiptare e mbështjellur me flamurin kombëtar në tribunat e Allianz Arenas për ndeshjen Bayern-Real
Kosova në KiE dhe rezoluta për Srebrenicën, mediat rajonale: Vuçiq e pranoi zyrtarisht humbjen
Peci: Nëse draft-statuti nuk dërgohet në Kushtetuese, procesi i anëtarësimit të Kosovës në KiE nuk do të hyjë as në rend të ditës