Shkëlqeu në Euro 2020, Real Madridi synon t’ia ‘rrëmbej’ Juventusit veteranin Chiellini

Real Madridi mund të bëjë një lëvizje të guximshme për të nënshkruar me yllin e Euro 2020 me Italinë, Giorgio Chiellini, pasi mbrojtësi nuk ka kontratë me Juventusin.

Chiellini luajti një rol kryesor për Azzurrët në garën e tyre për lavdi në Euro 2020 të kësaj vere pavarësisht se u la i lirë nga gjigantët e Serie A gjatë garës pas skadimit të kontratës së tij.

36-vjeçari është tani një lojtar i lirë dhe pavarësisht se është i lidhur shumë me një vazhdim në Torino, ai mund të kërkojë një sfidë të re në javët e ardhshme.

Lexo po ashtu Chiellini pret ftesën e Juventusit për të biseduar lidhur me kontratën

Sipas raporteve nga Calciomercato.com, trajneri i ri i Los Blancos, Carlo Ancelotti po shikon qendërmbrojtësin veteran si një zëvendësim të përkryer për Sergio Ramosin e larguar.

Ancelotti po përgatitet për lojën pa Ramosin sezonin e ardhshëm dhe opsionet e tij mbrojtëse mund të zvogëlohen edhe më tej nga largimi i mundshëm i Raphael Varane këtë muaj.

Të dy, Juventusi dhe Real Madridi ka të ngjarë t’i ofrojnë Chiellinit një kontratë njëvjeçare me mbrojtësin legjendar që mbush 37 vjet para fillimit të sezonit të ri. /Telegrafi/