Pas lajmit se Ratko Mlladiq i njohur si Kasapi i Bosnjës, u dënua me burgim të përjetshëm, liderë nga e mbarë bota kanë reaguar duke përshëndetur vendimin e gjykatës në Hagë dhe duke bërë thirrje për sundim të ligjit.
Presidenti i Këshillit Evropian, Charles Michel, ka thënë se verdikti final i gjykatës ndërkombëtare në Hagë në rastin e Ratko Mlladiqit, është edhe një hap tjetër i rëndësishëm që sipas tij do të sjell drejtësi për viktimat, transmeton Telegrafi.
“Kjo do të ndihmojë që e kaluara e dhimbshme të lihet pas nesh dhe që e ardhmja të jetë në rend të parë”, ka shkruar Michel në profilin e tij në Twitter.
Në anën tjetër, zëdhënësi i BE-së, Peter Stano, ka porositur se Bashkimi Evropian pret që të gjithë akterët politikë në Bosnje dhe Hercegovinë dhe në Ballkanin Perëndimor, të tregojnë gatishmëri për bashkëpunim të plotë me gjykatat ndërkombëtare – të respektojnë vendime e tyre dhe të njohin pavarësinë dhe paanshmërinë.
“Vendimi i sotëm është një mundësi që liderët në Bosnjë dhe rajon, të nderojnë viktimat dhe të promovojnë pajtimin për të tejkaluar luftën dhe të ndërtojnë paqen”, thuhet ndër tjera në kumtesën e zëdhënësit të BE-së.
Lidhur me verdikin e Hagës, ka reaguar edhe Kathryne Bomberger, drejtoresha e komisionit Ndërkombëtar për personat e zhdukur (ICMP), e cila tha se vendimi i sotëm i gjykatës ndërkombëtare, paraqet një konfirmim të sundimit të ligjit.
“Ata që kanë vrarë civilë të paarmatosur dhe ata që kanë krijuar kushtet për krime të tillë – e kanë gjykuar gabimisht se mund të zhdukin mbetjet e viktimave të tyre”, ka shtuar Bomberger.
E Sekretari i Departamentit të Shtetit, Antony Blinken, uron që vendimi i sotëm i Gjykatës së OKB-së në Hagë, të shërbejë sadopak për të qetësuar shpirtrat e viktimave të Ratko Mlladiqit në Bosnje.
“Le të shërbejë dënimi i sotëm i ish-komandantit të ushtrisë së serbëve të Bosnjes, Ratko Mlladiç, për gjenocid, krime lufte dhe krime kundër njerëzimit, për të sjellë pak paqe te viktimat dhe të dashurit e tyre”, shkruan kryediplomati amerikan në Twitter.
Edhe Përfaqësuesi i Lartë i BE-së për Politikë të Jashtme, Josep Borell, ka deklaruar së dënimi i Ratko Mlladiqit i jep fund gjykimit kryesor në historinë e Evropës për krime lufte – përfshirë gjenocidin që ndodhi në Bosnje dhe Hercegovinë. /Telegrafi/
Lufta Prigozhin - Putin
Më shumëNASA dhe Nokia po dërgojnë rrjetin 4G në hapësirë - çfarë do të thotë kjo për njerëzimin?
Pamje që tregojnë momentin kur ukrainasit 'fshijnë nga faqja e dheut' pjesë të sistemit rus që kushton 5 milionë dollarë
Ukraina tërheq nga vijat e frontit tanket amerikane Abrams për shkak të kërcënimeve nga dronët rus
Këta janë aeroplanët 'Rafale' që do të mbrojnë qiellin në Kroaci - të cilët i do edhe Serbia
Cili është objektivi i radhës i Rusisë?
Mercenari serb që lufton për rusët në Ukrainë i ankohet Putinit, thotë se nuk iu dha shtetësia ruse
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Grushte të fuqishme dhe hedhje në tokë, turko-gjermani Cinkara e fiton luftën ndaj boksierit kosovar Armend Xhoxhaj
Xhensila Myrtezaj rrëzohet në skenë, në nisje të performancës: Uroj të mos e keni kapur këtë
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Ish-legjenda e Liverpoolit tregon ‘arsyen e vetme’ që çoi tek përplasja e Salahut me Kloppin
NASA dhe Nokia po dërgojnë rrjetin 4G në hapësirë - çfarë do të thotë kjo për njerëzimin?
Pamje të reja nga përplasja e Salahut me Kloppin tregojnë saktësisht se çfarë ka ndodhur