Qendra Kosovare për Studime Gjinore (QKSGj) dhe Qendra për Zhvillimin e Grupeve Shoqërore (CSGD) kanë publikuar raportin: “Mbrojtja nga diskriminimi në Kosovë”.
Arben Fejza nga Qendra për Zhvillimin e Grupeve Shoqërore ka prezantuar këtë raport duke bërë të ditur se janë të përfshira disa institucione të cilat janë përgjigjur në pyetjet për ligjin për mbrojtjen nga diskriminimi dhe zbatimin e tij. Sipas tij, MAPL ka inicuar shtatë raste në gjykatat përkatëse ndaj komunave që nuk kanë respektuar të drejtat e njeriut.
“Kërkohet nga Institucioni i Avokatit të Popullit të promovohet më gjerë përmes fushatave. Të merret me rastet e diskriminimit. Të vazhdojë të punojë me organizatat jo qeveritare”, ka theksuar ai.
Drejtoresha e Qendrës Kosovare për Studime Gjinore, Luljeta Demolli ka thënë se Kosova ende nuk ka pasur një rast deri në fund qe dëshmon zbatimin e legjislacionit anti-diskriminim. Sipas saj, ka shumë grupe shoqërore që në vend janë duke u diskriminuar.
“Diskriminimi ndodhë në Kosovë. Nuk e kemi asnjë person të deklaruar në institucionet publike i cili i takon komunitetit LGBTI. Diskriminimi te gratë nuk është lehtë i detektueshëm”, tha ajo.
Ambasadorja e Holandës në Kosovë, Carin Lobbezoo ka theksuar se që dy vjet ambasada e tyre ka përkrahur këtë projekt.
“Ligji duhet të mbrojë ata që kanë nevojë për këtë mbrojtje. Tretmani i barabartë të grave, të personave me nevoja të veçanta dhe LGBTI duhet të mbrojë. Korniza legjislative duhet të sigurojë mbrojtjen e kategorive shoqërore të diskriminuara. Kemi rekomandime për të gjitha institucionet e përfshira. Është kyçe që të kemi një kornizë ligjore për mbrojtjen e nga diskriminimi. Duhet të rritet kualiteti i legjislacionit sidomos i Kodit Penal. Disa nga komunitet pakicë ka raste kur nuk kontrollohen nga mjekët sepse i takojnë atij komunitetit”, ka shtuar ajo.
Avokati i Popullit, Naim Qelaj tha se legjislacioni në fuqi ka ngecje në zbatim, pavarësisht që janë të dizajnuara mirë.
“Nëse ligjet janë të mira duhet të zbatohen. Avokati i Popullit të vetmin mjet që ka është rekomandimi. Në këtë drejtim vështirësi paraqet qe në ligj janë tri procedura të cilat nuk janë mirë të sqaruara. Një pjesë e madhe e administratës publike nuk e kanë të qartë misionin e tyre në mandatin që kanë. Në të kaluarën nuk i është dhënë prioritet diskriminimit as nga Avokati i Popullit”, ka theksuar Qelaj.
Ndërsa, drejtori i Zyrës për qeverisje të mirë, të drejtat e njeriut, mundësitë e barabarta dhe jo-diskriminim në Zyrën e Kryeministrit, Habit Hajredini ka thënë se është sfiduese zbatimi i legjislacionit kundër diskriminimit. Sipas tij, janë duke i jetësuar dy nisma me Këshillin e Evropës ku rastet ku identifikohen të ndihmohen.
“Presim të kemi të identifikuar raste fillestar. Ideja nuk është vetëm të identifikohen por edhe të obligohemi qe të marrim veprime”, u shpreh ai.
Lufta Prigozhin - Putin
Më shumëMashtrimet e mundshme ndaj pensionistëve, Policia dhe Prokuroria nisin hetimet
“Ma mori dritën e syve”, rrëfimi i nënës së Erona Coklit që u vra nga ish-bashkëshorti
Kush është Afrim Gashi, kryetari i ri i Kuvendit të Maqedonisë së Veriut
Breshëri mbulon rrugët në komunën e Suharekës
Hyseni: Palestina e mban qëndrimin e Beogradit, do të ishte hap i gabuar t’ua njohim pavarësinë
Skema e re sociale, tri fazat që duhet kaluar një familje për të përfituar ndihmën financiare nga shteti
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Vera më e nxehtë ndonjëherë? Ekspertët zbulojnë se çfarë mund të ndodhë në Evropë në muajt e ardhshëm
Luiz Ejlli ndez atmosferën në festën e Big Brother - Egla Ceno i bashkohet në skenë duke bërë 'twerk'
U raportua se ka blerë shtëpinë e Sergio Ramos në Madrid, por Mbappe ka marrë atë të legjendës tjetër të Realit
Koloneli shqiptar në Estoni tregon hapat e mbetur për Kosovën për t'iu bashkuar NATO-s
Maqedonci jep alarmin: Serbia ka vendosur tri brigada jo shumë larg kufirit me Kosovën
Pengu i Sylvinhos për Euro 2024 është që nuk mund ta marrë një lojtar që ka pësuar lëndim së fundmi