Më 26 prill, Finlanda dhe Estonia nënshkruan memorandum bashkëpunimi – që është hapi i parë i ndërtimit të tunelit të madh hekurudhor Helsinki (Finlandë) – Talin (Estoni) i gjatë 92 kilometra, dhe që do të kalon nën detin Baltik – ku dy anëtaret e Bashkimit Evropian do të lidheshin përmes korridorit hekurudhor – e jo vetëm rrugëve detare që janë përdorur deri më tani.
Ndërtimi i tunelit hekurudhor nën Gjirin e Finlandës të gjatë 92 kilometra, do të shkurtonte rrugëtimin dhe transportimin e mallrave por edhe pasagjerëve mes dy vendeve të BE-së, dhe atë për dy orë e 30 minuta dhe që faktikisht dy qytetet që i ndanë Gjiri dhe që shpesh gjatë muajve të dimrit ngrihen – tani e tutje do të shndërrohen në një “qytet të vetëm”, transmeton Telegrafi.
Sipas vlerësimeve të para, kostoja e ndërtimit të këtij tuneli do të kap vlerën e rreth 14 miliardë dollarëve, e nëse ky projekt realizohet sipas planit të paraparë – do të duhej të jetë funksional mes viteve 2030-2035, e nëse të gjitha afatet respektohen do të mundësohet transportimi i shpejtë i mallrave dhe i qytetarëve në mes këtyre dy qyteteve, ku ishull skandinav do të lidhej më mirë me vendet e Evropës Qendrore.
On April 26th, Finland & Estonia signed an MoU on large-scale transport projects such as the Helsinki-Tallinn tunnel, Rail Baltica & North Sea–Baltic Sea core network corridor
The 100km tunnel would cut travel time from 2h to 30 minutes & turn the 2 capitals into a twin-city🇪🇪🇫🇮 pic.twitter.com/ciGU313EfH
— Three Seas Initiative (@ThreeSeas24) May 8, 2021
Këtë rrugë aktualisht e shfrytëzojnë tragetet dhe anijet e shpejta me pasagjerë, udhëtimi i të cilëve zgjat rreth dy orëve. E sipas përllogaritjeve, tragetet brenda një viti realizojnë 7.5 milionë udhëtime nga Helsinki në Talin dhe anasjelltas.
Bazuar në të dhënat e agjencive të statistikave, brenda një viti Gjirin në Finlandë e kalojnë tetë milionë pasagjerë, kurse parashihet që numri i tyre deri më 2030 të rritet në 30 milionë – e tuneli i ri do të mund të lidhte më mirë dy qytetet.
Ajo çfarë pretendojnë ekspertët është se ky projekt është më fitimprurësi dhe se kosotoja e ndërtimit do të kthehet shpejtë, pasi që vëllimi i trafikut dhe transportimi i mallrave dhe pasagjerëve do të rritet për 30 për qind për shkak të shpejtësisë së transportit.
Tuneli Helsinki-Talin është një projekt i lidhjes transportuese mes këtyre dy shteteve. Drejtuesi i projektit është këshilli Helsinki-Uusimaa në bashkëpunim me qytetet – Helsinki-Talin.
Qyteti i Helsinkit do të kryen vlerësimin e ndikimit të projektit në mjedis, derisa FTA do të kryej analizat teknike dhe ekonomike sa i përket kërkesave të ndërtimit të tunelit.
Qytetet Helsinki dhe Talin qysh në prill të vitit 2014, kishin filluan studimin e fizibilitetit sa i përket ndërtimit të tunelit hekurudhor, që përfundoi në shkurt të vitit 2015. Fokusi i studimit ka qenë në nivel teknik, ekonomik dhe të qëndrueshmërisë së të bërit biznes përmes këtij tuneli hekurudhor.
Ministria e Komunikacionit të Finlandës dhe Estonisë nënshkruan memorandum bashkëpunimi sa i përket projektit FinEst Link qysh në janar të vitit 2016.
Instituti gjeologjik i Finlandës (GTK) ka kryer hulumtimet sa i përket çështjes akustike-sizmologjike, lidhur me propozimin për ndërtimin e tunelit. E konsorciumi Ramboll Finland, Sito, Strafica, Urban Research dhe Poiri Finland është përzgjedhur për të bërë përcaktimin e qëndrueshmërisë financiare dhe ndikimi të projektit në shkurt të vitit 2017.
Projekti do të marrë fonde edhe nga Bashkimi Evropian, investitorët privatë, qeveritë – e Finlandës dhe e Estonisë. E ndryshe në qershor të vitit 2016, BE-ja miratoi fondin prej 3.1 milionë euro për studimet e fizibilitetit të tunelit Helsinki-Talin dhe për projektin FinEst.
Me një gjatësi prej 92 kilometra, tuneli Helsinki-Talin do të jetë tunelit më i gjatë hekurudhor nënujor në botë. Diametri i tunelit duhet të jetë 17 metra dhe do t’i mundësojë një trafik të lirë shumë trenave.
E në realizimin e projektit parashihen të përdoren 60 makineri të specializuar për shpuarjen e tuneleve. Ndryshe çdo ditë punë afro 10 mijë estonezë kalojnë përmes rrugëve detare në Helsinki, derisa mijëra finlandezë gjithashtu shkojnë në Talin për të blerë alkool – që është shumëfish më i lirë sesa në Finlandë. /Telegrafi/
Promo
Reklamo këtuLufta Prigozhin - Putin
Më shumëNga Rubrika
IDF-ja izraelite vret 20 militantë të Hamasit gjatë operacionit për marrjen nën kontroll të pjesës kufitare të Gazës
Kancelari gjerman mbështet planin e BE-së për t’i përdorur asetet e ngrira ruse për financimin e Ukrainës
Protestat pro-palestineze shtojnë presionin mbi Bidenin
Palestinezët festojnë "pranimin e marrëveshjes" nga Hamasi, ndërsa izraelitët protestojnë për kthimin e pengjeve
Reagojnë zyrtarët e lartë të SHBA-së pas lajmit se Hamasi e ka "pranuar marrëveshjen"
Droni ukrainas hedhë në erë anijen ruse në Krime, pamje nga aksioni
Kancelari gjerman mbështet planin e BE-së për t'i përdorur asetet e ngrira ruse për financimin e Ukrainës
Protestat pro-palestineze shtojnë presionin mbi Bidenin
"Po na djegin, ju lutem na ndihmoni", rusët nuk kanë zgjidhje për sulmet me dronë të ukrainasve
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"Dhëmbët, flokët e veshët" - Gani Gërmia me ndryshime drastike në pamje
Palestinezët festojnë "pranimin e marrëveshjes" nga Hamasi, ndërsa izraelitët protestojnë për kthimin e pengjeve
Blero flet për takimin me Afronën: Kur e pashë atë duke qarë, më doli loti - edhe burrat qajnë
Reagojnë zyrtarët e lartë të SHBA-së pas lajmit se Hamasi e ka "pranuar marrëveshjen"
Tre sulmuesit që Xavi i do për të përforcuar sulmin e Barcelonës këtë verë
Luiz Ejlli thyen heshtjen, flet për padrejtësitë në Big Brother: Më përdorën familjen, por çmimin e madh e fitova në momentin që më tha Kiara 'PO'