Besim Muzaqi reagon pas përplasjes me Hajdar Beqën në Kuvend: Mos u turrni me yrysh se nuk ua kemi frikën

Deputeti i Lëvizjes Vetëvendosje, Besim Muzaqi pas përplasjes që pati me deputetin e PDK-së, Hajdar Beqa në Kuvendin e Kosovës, ka thënë se PDK-ja në mungesë argumenti po ofendon secilin.

Përmes një postimi në Facebook, Muzaqi ka thënë se opozita është pa kauzë e pa ide.

“Mos u turrni me yrysh e me gjuhë analfabetësh funksional sepse as nuk ua kemi frikën as respektin”, ka shkruar ndër të tjera Muzaqi.

Ai po ashtu tha se Gjykatën Speciale e kanë vendosur mbi sistemin e drejtësisë, pikërisht ata që tash po vajtojnë me lot krokodili.

“E sa i përket vajtimit tuaj me lot krokodili për Gjykatën Speciale ua rikujtoi që atë ia mbivendoset Sistemit të Drejtësisë  pikërisht ju”, shkruan Muzaqi.

Ndryshe, Deputeti i Partisë Demokratike të Kosovës, Hajdar Beqa, i cili u dëgjua duke i thënë deputetit të VV-së, Besim Muzaqi, ‘krytë ta thej’ ka treguar versionin e tij të ngjarjes.

Lexo po ashtu Hajdar Beqa flet për tensionimin e situatës në Kuvend

“Pas fyerjeve që ministrja e Jashtme e Kosovës, Donika Gërvalla, që ia ka bërë vlerave të UÇK-së, viktimave, martirëve, dëshmoreve të Kosovës, ne morëm një vendim që ta lëshojmë sallën”.

“Ministrja vazhdon të qëndron prapa deklaratave të saj që i ka dhënë në vitin 2015, e cila e quan UÇK-në organizatë terroriste dhe thotë se me padurim po e pret formimin e Gjykatës Speciale për ta pajisur me dëshmi dhe për të qenë dëshmitare okulare e asaj Gjykatë për ta dëmtuar imazhin e UÇK-së, duke e quajtur organizatë terroriste”.

“Në si grup parlamentar në shenjë proteste vendosëm me lëshu sallën nga sjellja e ministres së jashtme.  Gjatë rrugës deputetët tonë u provokuan dhe u fyen nga ministrat dhe deputetët e Lëvizjes Vetëvendosje. Unë isha njëri nga deputet që isha duke dalë për ta respektuar vendimin e grupit parlamentar”, ka pohuar Beqa për Front Online. Sipas tij, deputeti i Lëvizjes Vetëvendosje, Besim Muzaqi, i ka shtyrë dhe ofenduar deputetët e PDK-së, duke iu thënë dilni jashtë.

“Deputetin Besim Muzaqi e pash duke u shtyrë me deputet tanë dhe duke i fyer duke ju thënë dilni jashtë. Unë mendova që është ndonjë roje e ndonjë ministri dhe ka hyrë në sallën e Kuvendit ai filloj me më fye edhe mua dhe tentoi të më sulmojë fizikisht. Unë në atë moment i thash se Hajdar Beqa nuk e sulmon askënd fizikisht dhe nuk lejon të sulmohet nga askush fizikisht, kjo ka qenë e tëra nuk kemi pas asgjë personale”. /Telegrafi/