“Ronaldo do t’ia përplaste në fytyrë gjyqtarit shiritin e kapitenit” – motra e yllit portugez zbulon prapaskenat

Motra e Cristiano Ronaldos, Katia Aveiro mbron sulmuesin e Juventusit dhe thotë se ai do të hidhte shiritin e kapitenit në fytyrën e gjyqtarit.

Sulmuesi i Zonjës së Vjetër doli nga fusha, duke hedhur shiritin e kapitenit të tij në tokë pasi iu mohua goli fitues në barazimin 2-2 të Portugalisë kundër Serbisë të shtunën.

Ish-lojtari portugez, Fernando Meira, tha se sjellja e tij ishte “e papranueshme”, por nuk ishte kritika e vetme e marrë nga 36-vjeçari.

Sidoqoftë, Katia Aveiro, njëra nga dy motrat e Ronaldos, mbrojti sulmuesin e Binakonerëve në rrjetet sociale.

“Cristiano është një simbol i kombit. Njerëzit me mençurinë e tyre fisnike thonë: ‘Ai që nuk ka ndjenja nuk mund të jetë bir i njerëzve të mirë’. Kjo është”, shkroi ajo në Instagram.

“Portugalia u vodh me një skandal. Cristiano, i cili shënoi një gol në minutën e fundit (dhe kjo mund të na sillte fitoren), shkaktoi revoltën e tij dhe tonë”.

Lexo po ashtu Ronaldo rrezikon diskualifikimin për protestat e ashpra ndaj gjyqtarit anësor dhe që u largua nga fusha pa përfunduar takimi

“Ai menjëherë demonstroi se topi kishte kapërcyer vijën me 30 centimetra, tundi kokën dhe pa fishkëllimën e gjyqtarit për t’i dhënë fund kësaj ndeshje të vjedhur, ai u drejtua për te dhomat e zhveshjes sepse nuk ia vlente”.

“Kapërceu me zemërim dhe filloi një revoltë që gllabëroi shpirtin e tij kundër mëmëdheut që ai e kishte mbrojtur shumë herë me dhëmbë dhe thonj, ai hodhi shiritin e kapitenit në tokë”.

“Ftohtësi e pabesueshme sepse qëllimi i tij ishte me të vërtetë të hidhte shiritin në fytyrën e gjyqtarit për ato që ai dhe ndihmësi i tij kishin bërë kundër të gjithë neve”.

“Sidoqoftë, edhe pse ne të gjithë jemi të neveritur nga ajo që ndodhi, disa ‘ekspertë’ në televizione guxuan të kritikojnë gjestin e Cristianos”, ka përfunduar shkrimin e saj. /Telegrafi/