Kurti për vaksinat AstraZeneca: Është një kontigjent i vogël, por që ngjall shpresë të madhe – vaksinimi të fillojë menjëherë

Pas arritjes së kontigjentit të parë të vaksinës anti-Covid në Kosovë, ka folur kreu i qeverisë, Albin Kurti.

Në një konferencë për media, ka thënë se është një kontigjent i vogël por që ngjall shpresë të madhe.

“Në vendin tonë për fillimin e shpëtimit të jetës së njerëzve, sidomos të personelit shëndetësor dhe grupeve të popullsisë në rrezik. Vendi ynë është i vogël dhe i varfër, andaj ka nevojë për mbështetje të madhe dhe solidaritet nga të gjithë, e sidomos nga miqtë tanë, SHBA-ja dhe BE-ja, të cilët janë donatorët kryesor të aleancës COVAX”, u shpreh Kurti.

Lexo po ashtu Arrin në Kosovë kontingjenti i parë i vaksinave kundër coronavirusit

Tutje ka thënë se qeveria po bënë të pamundurën që të sigurohen sa më shumë vaksina.

“Le të tregohemi të përgjegjshëm, dhe ta ruajm njëri tjetrin, duke kaluar pandeminë sëbashku”, u shpreh kryeminsitri.

Kurti theksoi se vaksinimi duhet të fillojë menjëherë dhe pa asnjë vonesë./Telegrafi/