Roma studion transferimin e mundshëm të Icardit

Roma thuhet se po studion mundësinë e zëvendësimit të Edin Dzekos me sulmuesin e Paris Saint-Germain, Mauro Icardi.

Il Corriere dello Sport raporton se sulmuesi boshnjak, i cili ka një vit të mbetur nga marrëveshja e tij dhe një pagë prej 7.5 milionë euro në sezon, duket se është vendosur të largohet këtë verë.

Dzeko nuk po preferohet nga Paulo Fonseca këtë sezon dhe iu mor shiriti i kapitenit.

Sulmuesi ishte afër kalimit te Juventusi në verën e kaluar, por lëvizja përfshiu një transferim të mundshëm për Arkadiusz Milik nga Napoli dhe përfundimisht marrëveshja nuk u realizua.

Gazeta pretendon se Roma po studion një marrëveshje të mundshme me PSG-në për një rikthim në Serie A për ish sulmuesin e Interit, Mauro Icardi, pasi gjigandët francezë mund të jenë të gatshëm të shesin për arsye buxhetore.

Një huazim me një mundësi për të blerë mund të jetë zgjidhja, por operacioni do të jetë i ndërlikuar për shkak të pagës së lartë të lojtarit dhe Dzeko do të duhet të largohet për të arritur argjentinasi. /Telegrafi/