Kushdo që dëshiron të vaksinohet kundër COVID-19 duhet t’i bëjë së pari këto dy gjëra: Mjekët pohojnë!
Këto dy gjëra mund të përmirësojnë efektivitetin e vaksinës dhe të forcojnë përgjigjen imune
Një studim i ri shkencor zbulon se kushdo që dëshiron të vaksinohet kundër coronavirusit duhet të bëjë dy gjëra para vaksinimit, të cilat gjoja mund të përmirësojnë efektivitetin e tij, shkruan Bestlifeonline, përcjell Telegrafi.
Ky studim, i cili duhet të botohet në Perspectives on Psychological Science, tregon se dy gjendje shumë të zakonshme sot, stresi dhe depresioni, mund ta zvogëlojnë përgjigjen imune ndaj vaksinës së coronavirusit dhe të çojnë në zvogëlimin e imunitetit ndaj virusit.
Nga ana tjetër, ekspertët nga Universiteti Ohio, i cili zhvilloi studimin, zbuluan se ekzistojnë dy aktivitete që mund të rrisin përgjigjen imune, madje edhe te njerëzit që vuajnë nga depresioni dhe stresi kronik, pa përgjigjja është gjumi dhe ushtrimi.
“Po, është e mundur të bësh disa gjëra të thjeshta dhe të përmirësosh efektivitetin fillestar të vaksinës,” shpjegon Janice Kiecolt-Glaser, një nga autorët e studimit dhe drejtoresha e Institutit të Universitetit të Ohio për terapi biheviorale të sjelljes.
Autorët e studimit rekomandojnë që kushdo që planifikon të vaksinohet duhet të bëjë një përpjekje për t’i siguruar vetes një gjumë të mjaftueshëm cilësor para vaksinimit, si dhe të kënaqet me ndonjë aktivitet të fuqishëm fizik 24 orë para se të marrë vaksinën.
“Gjumi i mirë shoqërohet me gjenerimin e një përgjigje të suksesshme ndaj vaksinave të tjera, përfshirë atë për gripin, por edhe për hepatitin A dhe B”, pohon Dr. Spencer Kroll, një specialist në mjekësinë e brendshme.
“Nga ana tjetër, gjumi i pamjaftueshëm mund të çojë në lëkundje në procesin imunitar, gjë që është e rëndësishme për prodhimin e antitrupave”, shpjegon Kroll.
Aktiviteti fizik në periudhën para vaksinimit mund të ndihmojë në forcimin e imunitetit tuaj pas vaksinimit, pohon mjeku.
“Rivendosja e një jetese të shëndetshme, e cila përfshin ushtrime kardio, zgjedhje të mira ushqimi dhe më shumë gjumë, ndihmon pacientët të ndërtojnë një përgjigje më të mirë imune kur bëhet fjalë për të luftuar infeksionin coronavirus dhe kur bëhet fjalë për përgjigjen imune ndaj vaksinimit”, shpjegon Kroll. /Telegrafi/
Lufta Prigozhin - Putin
Më shumëInvestoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Harry Kane i përgjigjet incidentit të penalltisë me Jude Bellingham me një përgjigje të qartë
Ancelotti tregohet i sinqertë për lojën që bëri Bayerni përballë Realit
Tchouameni ndërpreu Mullerin në intervistë, krijohet situatë qesharake mes dyshes
Tifozja shqiptare e mbështjellur me flamurin kombëtar në tribunat e Allianz Arenas për ndeshjen Bayern-Real
Kosova në KiE dhe rezoluta për Srebrenicën, mediat rajonale: Vuçiq e pranoi zyrtarisht humbjen
Peci: Nëse draft-statuti nuk dërgohet në Kushtetuese, procesi i anëtarësimit të Kosovës në KiE nuk do të hyjë as në rend të ditës