Debutimi i hidhur i Rrahmanit si startues – Gatusso premton se mbrojtësi shqiptar do ta ketë sërish rastin

Ndeshja mes Udineses dhe Napolit është mbyllur me fitoren e këtyre të fundit me rezultat 2-1.

Nga minuta e parë me fanellën e Napolit kishte debutuar mbrojtësi ynë Amir Rrahmani, që ishte edhe ndeshja e parë si startues.

Megjithatë nuk ka shkruar gjithçka mirë për lojtarin e Përfaqësueses së Kosovës, i cili ishte fajtor në golin e vetëm të shënuar Udineses.

Rrahmani ktheu një top prapa te portieri Alex Meret, por që nuk kishte forcën e duhur dhe nga kjo përfitoi sulmuesi Kevin Lasagna që shënoi për 1-1, pasi Napoli kishte kaluar e para në epërsi me golin e Lornzo Insignes.

⏱ 45’ | Another change from Gattuso…
↩️ Rrahmani
↪️ Mario Rui#UdineseNapoli 1-1

💙 #ForzaNapoliSempre pic.twitter.com/Q7YZUmDRd6

— Official SSC Napoli (@en_sscnapoli) January 10, 2021

Mbrojtësi shqiptar u zëvendësua menjëherë pas pjesës së parë nga trajneri Gennaro Gattuso, i cili thotë se lojtari do ta ketë sërish rastin.

“Më vjen keq për Amirin, ai është një profesionist i shkëlqyeshëm, por ishte në vështirësi sot dhe unë duhej të merrja një vendim. Ai do të ketë shansin e tij sërish”, ka thënë trajneri.

Napoli i shpëtoi disfatës në fund kur Tiemoue Bakayoku shënoi për 2-1.

Elseid Hysaj luajti për 90 minuta, ndërsa Napoli aktualisht ka 31 pikë në vendin e pestë. /Telegrafi/