FIFA pezullon përkohësisht dënimin e madh të Kieran Trippier

Shtëpia botërore e futbollit, FIFA ka pezulluar ndalimin 10-javor të dhënë për Kieran Trippier nga Federata Angleze e Futbollit (FA) për shkelje të rregullave të basteve.

FA vendosi ndalimin në dhjetor, dënim me të i cili do të kishte parë lojtarin e Atletico Madrid të ndaluar të luante ndeshje apo edhe të stërvitej me këtë klub.

Përfaqësuesi i Anglisë u sanksionua pasi njerëzit afër tij vunë bast për transferimin e tij nga Tottenham në Atletico në verën e 2019.

Lexo po ashtu Trippier dënohet me 10 javë mos-lojë dhe 70 mijë funte shkaku i vënies së basteve

Meqenëse u njoftua dënimi, drejtuesit e Atleticos kërkuan deklaratën e plotë nga FA, por nuk mori një përgjigje.

Sipas gazetës Marca, FIFA tani ka ndërhyrë dhe ka lëshuar një pezullim të menjëhershëm të dënimit, në pritje të informacionit të mëtejshëm që do të sigurohet nga FA për Los Rojiblancos.

Tani, me pezullimin e ndalimit, Diego Simeone do të jetë në gjendje të thërrasë Trippier menjëherë, edhe pse ai nuk pritet të paraqitet kundër Alaves sot (e diel).

Heqja e ndalimit nga ana e FIFA-s është vetëm një hap paraprak pasi çështja vazhdon të hetohet. /Telegrafi/