Situata aktuale politike është më e komplikuara që prej vitit 1999, prandaj ekzistojnë shumë pikëpyetje të cilat u përkasin niveleve të ndryshme të dimensioneve politike për koalicionet e mundshme mes partive politike në zgjedhjet e parakohshme të cilat priten të mbahen së shpejti në vend.
Kështu ka thënë në një prononcim për Telegrafin, njohësi i çështjeve politike në vend, Artan Muhaxhiri.
Muhaxhiri tha se përparësia elektorale e Lëvizjes Vetëvendosjes (LVV) është evidente, mirëpo siç tha ai konfiguracionet e koalicioneve do të varen edhe nga aftësitë rimëkëmbëse të LDK-së dhe PDK-së.
“Këto parti nuk janë në momentume të volitshme. Duhet të gjejnë shumë kreativitet, vullnet dhe guxim për t’i mobilizuar maksimalisht fuqitë përbrenda strukturave të tyre në mënyrë që të ballafaqohen denjësisht me trendin progresiv të LVV-së”, ka thënë ai.
I pyetur se a pritet të kenë partitë politike në këto zgjedhje vija të kuqe për koalicione parazgjedhore, Muhaxhiri tha: “ ‘Vijat e kuqe’ janë dogmatizëm politik, sepse i bllokojnë mundësitë për bashkëpunime dhe i zvogëlojnë gjasat për të ardhur në pushtet. Në të kaluarën vazhdimisht ka ndodhur që liderët dhe partitë t’i relativizojnë deri në zhdukje këto ‘vija’ kur nuk u janë dashur më, varësisht prej konteksteve. Për shkak të situatave komplekse me të cilat ballafaqohet shteti i Kosovës, ato janë shfaqur si penguese të harmonizimeve të qëndrimeve institucionale edhe në situata të jashtëzakonshme”.
Njohësi i çështjeve politike theksoi se spektri politik në Kosovë funksionon me balancime të detyrueshme ndërpartiake, prandaj kompromiset nënkuptohen nëse dëshirohen zhvillime normale.
E sa i përket komentit të anëtarit të LVV—së, Glauk Konjufca i cili tha se nuk e përjashton një koalicion mes LVV-së dhe PDK-së, ai vlerësoi: Nëse ky qëndrim partiak është i sinqertë dhe i planifikuar mirë, atëherë shënon evoluim, ndonëse të vonuar. Refuzimi aprioristik për marrjen në konsideratë të bashkëpunimit me PDK-në ka qenë populist dhe i pakuptueshëm nga aspekti i pragmatizmit politik. Me rëndësi është të mbrohet besnikëria ndaj parimeve dhe vlerave, e jo të insistohet në përjashtimin e panegociueshëm të një partie nga çdo kalkulim potencial”.
Muhaxhiri ndër të tjera tha se do të jetë sukses i madh i LVV-së si dhe kontribut në skenën politike kosovare nëse si kushtëzime për aleancë eventuale me PDK-në do të arrijë t’i institucionalizojë disa kritere me ndikime të mëdha sistemore.
“Për shembull, sanksionimin e menjëhershëm dhe të ashpër të secilës tendencë të faktuar për korrupsion, nepotizëm dhe forma tjera të keqpërdorimeve institucionale. Është iluzion të mendohet se një parti mund ta ndihmojë reformimin e një partie tjetër me kritika paternaliste nga jashtë, mirëpo kjo ka gjasa të bëhet vetëm praktikisht, me ide dhe përpjekje për punë të përbashkët konstruktive…Gjithsesi, nuk përjashtohet as mundësia që ky të jetë një marifet i Lëvizjes VETËVENDOSJE! me qëllim që të tentojë të përfitojë duke u shfaqur më e ndryshme dhe më mendjehapur para votuesve, ndërkohë që më pas sërish t’iu rikthehet akuzave tradicionale ndaj PDK-së”, tha ai. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Humb kontrollin e mjetit dhe bie në Lumin Lana, vdes shoferi
“Jam Taulant Balla. Më duhen urgjent 100 mijë euro”, biznesmeni në Shqipëri bie pre e mashtrimit
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Server: Qeveria e re e Serbisë me bashkëpunëtorë të sulmit terrorist të Banjskës
Anëtarësimi i Kosovës në KiE, Knaus: Disa shtete, përfshirë Francën e Gjermaninë po përgatiten ta bllokojnë votimin në maj
Konjufca i zhgënjyer me BE-në: Me padurim doni të punoni me qeverinë serbe pro-ruse, e neve nuk na hiqni masat
“E çela vrimën në mur, i preva tre palë tela dhe ika arave deri në Lipjan”- Arratisja e Faton Hajrizit nga Bondsteel-i dhe Burgu i Pejës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Erjolën e hedhin në mes të natës në pishinë, i ekspozohen pjesët intime
Vinicius ironizon me Araujon: Publikon trofetë e fituar nga gjenerata e re e Real Madridit
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
Këto janë vendet ku TikTok tashmë është i ndaluar – dhe nuk janë pak