Ronaldinho tregon se nëna e tij u infektua me COVID-19 dhe se është nën kujdesin intensiv

Ronaldinho ka zbuluar se mamaja e tij e dashur po lufton për jetë pasi u infektua me coronavirus.

Legjenda braziliane, 40 vjeç, kërkoi nga tifozët të lutet për Miguelina Eloi Assis dos Santos pasi u pranua në kujdesin intensiv në spital.

71 vjeçarja është duke u trajtuar në spitalin Mae de Deus në qytetin jugor të Brazilit, Porto Alegre.

Ronaldinho, i cili rezultoi pozitiv për COVID-19 në fund të tetorit, në një postim në Twitter shkroi: “Të dashur miq. Nëna ime është infektuar me coronavirus dhe tani po luftojmë që ajo të shërohet”.

“Ajo është në kujdes intensiv dhe po merr gjithë kujdesin që i nevojitet”.

“Unë jam mirënjohës për lutjet tuaja, energjinë tuaj pozitive dhe afeksionin që keni treguar gjithmonë. Qëndro e fortë, nënë”, vazhdoi ai.

Derisa ishte në arrest shtëpie në një hotel luksoz në Paraguai për një skandal të rremë të pasaportave në fillim të këtij viti, Ronaldinho pranoi se gjëja e parë që do të bënte pasi të lirohej do të ishte që ‘t’i jepte mamasë një puthje të madhe’.

Ai shtoi: “Ajo ka qenë duke përjetuar një kohë të vështirë që nga fillimi i krizës së coronavirusit”.

Në vitin 2013, futbollisti pranoi se ishte afër largimit nga futbolli kur jeta e nënës së tij ishte në rrezik për shkak të kancerit.

I njëjti po luante për Flamengo kur ajo u sëmur në 2012.

Pasi u shërua, Ronaldinho deklaroi “Kur nëna ime u sëmur, unë thashë se nuk do të isha në gjendje të vazhdoja më të luaja futboll”. “Mendova se kishte ardhur koha të ndaloja dhe të kujdesesha për të”. /Telegrafi/