Botë Nga Bota Amerika

Pasi iu konfirmua fitorja, Biden i drejtohet kombit amerikan: Koha që të bashkohemi drejt sukseseve

Para 4 vitesh

Presidenti i zgjedhur. Joe Biden deklaroi të hënën, disa orë pasi Kolegji Zgjedhor bëri zyrtare fitoren e tij kundrejt presidentit, Donald Trump, se “mbizotëroi shteti ligjor, Kushtetuta dhe vullneti i popullit”.

Megjithëse shteti i Hawaiit, me katër vota elektorale, nuk i ka numëruar ato, demokrati tashmë ka siguruar 302 nga 270 të nevojshmet që të shpallet president i 46 i Shteteve të Bashkuara. Trump ka arritur të fitojë 232 vota, raporton cnn.

“Flaka e demokracisë u ndez në këtë komb shumë kohë më parë. Dhe ne tani nuk e ndal asgjë, madje as një pandemi ose abuzim të pushtetit, nuk mund ta shuajnë atë flakë”, tha Biden.

Në një fjalim të hënën në mbrëmje në Delaware, Biden nisi mbrojtjen më të drejtpërdrejtë dhe të detajuar të fitores deri më tani – dhe dënoi ashpër përpjekjet flagrante të Trumpit për të ndryshuar realitetin, transmeton Telegrafi.

Ai i katalogoi dështimet e fushatës së Trumpit dhe aleatëve të tij në gjykatat shtetërore e federale dhe legjislaturat e shtetit si dhe rinumërimet që nuk kanë ndryshuar thelbësisht rezultatin. Demokrati i cilësoi përpjekjet e Trumpit dhe mbështetësve të tij për të përdorur gjykatat që të përmbysin rezultatin e zgjedhjeve “aq ekstreme sa nuk i kemi parë kurrë më parë”.

“Fatmirësisht, një Gjykatë e Lartë unanimisht i refuzoi këto përpjekje”, tha Biden.

Votat e Kolegjit Zgjedhor tani do të dërgohen në Kongres për t’u numëruar zyrtarisht muajin tjetër. Megjithëse disa republikanë të Dhomës së Përfaqësuesve kanë treguar se ata do të kundërshtojnë rezultatet në shtetet kryesore, ata nuk mund të bëjnë asgjë më shumë sesa të vonojnë procesin gjatë një seance të përbashkët të Kongresit më 6 janar. Pastaj, Biden do të inaugurohet në mesditën e 20 janarit.

Biden deklaroi se ishte koha që të “kthehet faqja, për t’u bashkuar, për t’u shëruar”.

“Në këtë betejë për shpirtin e Amerikës, demokracia mbizotëroi,” tha Biden. “Ne njerëzit votuam. Besimi në institucionet tona të mbajtura. Integriteti i zgjedhjeve tona mbetet i paprekur. Dhe kështu, tani është koha të kthejmë faqen. Të bashkohemi drejt sukseseve. Të shërohemi”, pohoi 78-vjeçari.

Fjalët e tij më të ashpra iu drejtuan Trumpit dhe aleatëve të tij republikanë – përfshirë 17 prokurorë të përgjithshëm të shtetit dhe 126 anëtarë të Kongresit që mbështetën një proces gjyqësor të pabazuar në Teksas duke kërkuar të prishin rezultatet e zgjedhjeve të shteteve të tjera, transmeton Telegrafi.

“Përmes kësaj manovre ligjore zyrtarët e zgjedhur dhe një grup shtetesh u përpoqën që përmes Gjykatës së Lartë të fshijnë votat e më shumë se 20 milionë amerikanëve në shtetet e tjera dhe t’i dorëzojë presidencën një kandidati që humbi Kolegjin Zgjedhor, humbi votën popullore dhe humbi secilin nga shtetet votat e të cilëve ata po përpiqeshin të ndryshonin. Është një pozicion kaq ekstrem, sa nuk e kemi parë kurrë më parë”, tha ai.

Presidenti i zgjedhur, i cili ndaloi gjatë gjithë fjalimeve disa herë ose për t’u kollitur ose për të pastruar fytin, e quajti atë “një pozicion që refuzoi të respektojë vullnetin e popullit, refuzoi të respektojë shtetin e ligjit dhe refuzoi të nderonte Kushtetutën tonë”.

Presidenti i zgjedhur vuri në dukje se se 81 milionë votat e hedhura në favor të tij dhe Zëvendës Presidentes së zgjedhur, Kamala Harris, më së shumti në histori dhe shtatë milionë më shumë sesa morën, Donald Trump dhe nënpresidenti, Mike Pence.

Biden gjithashtu theksoi se triumfoi me të njëjtën numërim të votave elektorale që Trumpi mori në vitin 2016, duke thënë se ishte një “fitore e qartë” atëherë dhe tani.

Presidenti i zgjedhur gjithashtu paraqiti punën që do të mbizotërojë ditët e para të administratës së tij: betejën kundër pandemisë së coronavirusit, duke përfshirë shpërndarjen e vaksinave dhe ngadalësimin e përhapjes së saj ndërsa ato vaksina bëhen të disponueshme, dhe rindërtimin e një ekonomie të goditur nga pandemia. /Telegrafi/