Gafa amatore e portierit Courtois ka pushtuar rrjetet sociale në mbarë botën

Portieri i Belgjikës, Thibaut Courtois bëri një gabim jo karakteristik apo më mirë thënë amator në ndeshjen e tyre të grupit B të Ligës së Kombeve kundër Danimarkës të mërkurën mbrëma.

Belgjika triumfoi me rezultat 4-2 në shtëpi ndaj Danimarkës në ndeshjen e fundit të grupeve në edicionin e dytë të Ligës së Kombeve.

Golat për belgët u shënuan nga Youri Tielemans (4’), Romelu Lukaku (57’, 69’) dhe Kevin de Bruyne (87’), ndërsa për danezët shënuan Jonas Older Wind (17’) dhe një autogol nga Nacer Chadli (86’).

https://t.co/3NwDCdaDvP pic.twitter.com/W5F3Z9pVFT

— UEFA EURO 2024 (@EURO2024) November 18, 2020

Megjithatë, goli i mesfushorit Chadli erdhi i gjithi për fajin e portierit të Real Madridit, Thibaut Courtois.

Courtois nuk u vendos mirë në portë dhe nga një top i kthyer prej Chadli, ai bëri një gafë amatore duke mos arritur të kontrollojë topin dhe duke lejuar atë të futej në portë.

Portieri belg u përpoq të vraponte pas topit dhe ta zinte, por ishte tepër vonë dhe kjo gafë tashmë ka ‘pushtuar’ rrjetet sociale në mbarë botën, ku nuk mungojnë komentet nga më të ndryshmit. /Telegrafi/

https://twitter.com/noobfcb/status/1329175795215032322