Partia më e madhe opozitare në Kosovë, Lëvizja Vetëvendosje, e cilëson “të pasinqertë dhe të pakuptimtë” thirrjen e partisë tjetër opozitare, Partisë Demokratike të Kosovës, që ato të mos marrin pjesë për një javë në punimet e kuvendit, për shkak të zhvillimeve të fundit.
Ableard Tahiri, deputet i PDK-së, i bëri thirrje sot VV-së dhe partisë, Nisma Socialdemokrate, që janë prekur nga vala e arrestimeve nga Dhomat e Specializuara në Hagë, për një javë “reflektim dhe sensibilizim për zhvillimet e fundit”.
Nënkryetarja e Kuvendit të Kosovës nga radhët e VV-së, Arbërie Nagavci, tha se një situatë e tillë është pritur prej kur vetë PDK-ja me aleatët e saj, votuan pro themelimit të Gjykatës Speciale.
“Për më tepër, është e pakuptimtë që të pritet që brenda një jave të arrihet një sensibilizim apo reflektim, siç e kanë shprehur. Në këtë situatë, është e dukshme që as qeveria nuk i ka numrat”, tha Nagavci, për REL, duke përmendur dështimin e seancës të së mërkurës për shkak të mungesës së kuorumit, në të cilën megjithatë të pranishëm aty ishin edhe deputetët e VV-së.
“Kështu që jemi në një situatë shumë paradoksale, ku PDK-ja po kërkon që të mos ketë takime në kuvend për një javë, në anën tjetër, shumica nuk po arrijnë të kenë votat dhe gjëja më e mirë që duhet të bëhet në këto momente është që të bëhet legjitimimi i institucioneve, të shkojmë në zgjedhje të reja dhe të krijojmë institucione kredibile”, ka thënë mes tjerash ajo.
Zyrtarët e Nismës Socialdemokrate nuk i janë përgjigjur pyetjes së Radios Evropa e Lirë nëse do të marrin apo jo pjesë në seancat e kuvendit gjatë kësaj jave.
Më herët gjatë ditës, grupi parlamentar i Aleancës për Ardhmërinë e Kosovës ka konfirmuar se do të marrë pjesë në seancën ku do të votohej në lexim të dytë Projektligji për rimëkëmbje ekonomike.
Ndërkaq shefi i grupit parlamentar të Lidhjes Demokratike të Kosovës, Arben Gashi, në një konferencë për media, ka kritikuar partneren e koalicionit, Listën Serbe, për mospjesëmarrje në seancën e 11 nëntorit.
Në valën e fundit të arrestimeve nga Dhomat e Specializuara në Hagë, pos ish-presidentit Hashim Thaçi, nën akuzat për krime lufte, janë arrestuar edhe kreu i PDK-së, Kadri Veseli, shefi i grupit parlamentar të VV-së Rexhep Selimi dhe njëri nga themeluesit e Nismës Socialdemokrate, Jakup Krasniqi.
Promo
Reklamo këtuLufta Prigozhin - Putin
Më shumëFruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Çfarë pyetje u bëhen qytetarëve në diasporë për regjistrim?
Kurti merr kundërpërgjigje për kritikat ndaj Prokurorisë Speciale
Anëtarësimi i Kosovës në KiE, cilat janë vendet skeptike që duan fillimisht asociacionin?
Dënohet me 24 vjet burgim prizrenasi, kishte dhunuar seksualisht dy vajza nën moshën 14-vjeçare
Konkursi i dyshimtë i Policisë, IPK: Do t’i verifikojmë informatat
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City