Në Shqipëri, tetë të vdekur dhe 495 raste me coronavirus

Ministria e Shëndetësisë ka përditësuar të dhënat e fundit mbi prirjen e pandemisë së Covid-19 në Shqipëri.

Kështu, MSH-ja bën të ditur se në 24 orët e fundit janë zbuluar 495 raste të reja, ndërkaq tetë persona kanë humbur jetën.

Pavarësisht numrit të lartë të rasteve të reja, autoritetet shëndetësore thonë se 141 qytetarë janë shëruar nga infeksioni, duke e çuar numrin total të të shëruarve në 12,002, që nga fillimi i epidemisë.

Sipas të dhënave të fundit, bëhet e ditur se aktualisht në 3 spitalet COVID po trajtohen 352 pacientë, 9 në terapi intensive nga të cilët 4 pacientë janë të intubuar.

Shpërndarja gjeografike e rasteve aktive sipas qarqeve:

Tiranë 5492

Durrës 963

Fier 905

Korçë 713

Shkodër 634

Elbasan 526

Lezhë 524

Vlorë 474

Berat 317

Kukës 266

Gjirokastër 221

Dibër 111

Ministria e Shëndetësisë në buletinin ditor raporton se në total në Shqipëri janë kryer 137,172 testime të dyshuara për Covid-19, ndërkohë 23,705 prej tyre kanë rezultuar pozitivë.

Treguesi, i cili po shihet me shqetësim ka të bëjë me rastet aktive në Shqipëri, që sipas Ministrisë së Shëndetësisë kanë shkuar në 11,146.

Ndërkohë, numri total i viktimave në Shqipëri ka shkuar në 557, shifër kjo tepër e lartë në raport me numrin e popullsisë apo dhe rasteve ditore.